أعربت الفنانة شيرين عن سعادتها الكبيرة بتكريمها في مهرجان الإسكندرية السينمائي الدولي، وكشفت عن انتهاء تصوير فيلمها الجديد 'الشكوى'.

كشفت شيرين في لقاء خاص مع الإعلامية شيرين سليمان ببرنامج 'سبوت لايت' المذاع على قناة 'صدى البلد' عن انتهائها مؤخرًا من تصوير أحدث أعمالها السينمائية فيلم 'الشكوى'، قائلة: الفيلم خلص الحمد لله، واحتمال كبير يتعرض في مهرجان القاهرة السينمائي الدولي، لكن لسه مش أكيد.

وعبرت شيرين عن سعادتها بالتكريم في مهرجان الإسكندرية السينمائي قائلة: فرحانة فرحة كبيرة قد الدنيا، كفاية الابتسامة الحلوة اللي أنا شايفاها على وشوش كل الناس اللي موجودين حوليا، التكريم ده له معنى كبير عندي لأنه جاي من بلدي ومن جمهور بحبه جدًا.

وأضافت شيرين قائلة: اتكرمت في بلاد كتير، في كردستان، وفي العراق، وفي لبنان، وكان تكريمًا رائعًا، لكن تكريمي في مهرجان الإسكندرية السينمائي له طابع مختلف ومكانة خاصة في قلبي.

وأشارت إلى أنها شاركت كعضو لجنة تحكيم في عدد من المهرجانات الفنية داخل وخارج مصر، قائلة: حكمت في مهرجانات كتير، وحكمت كمان في مهرجان المذيع، واتكرمت فيه، لكن التكريم ده ليه إحساس تاني، ومفيش حاجة بتيجي غير في وقتها.