في تعليقها الأول على رفض المحكمة الدعوى التي أقامها طليقها لضمّ حضانة أبنائهما إليه، بعد زواجها أخيراً من الفنان محمد العمروسي، عبّرت الفنانة مي فاروق عن سعادتها بصدور حكم رفض الدعوى.

وقالت مي في منشور عبر حسابها الشخصي في 'فيسبوك': 'عمر ثقتي في ربنا ما خيبت أبداً ودايماً ظني فيه إنه كريم وجميل وساندني وعارف مين المؤذي الدمعي ومين الصادق اللي اتظلم وده اللي دايماً بيحصل... ورضا أمي وأبويا عليا ودعواتهم ليا اللي دايماً محاوطاني... وثقتي في إن أنا ما بظلمش حد أنا اللي بتظلم وبوكل أمري لله وده قمة القوة اللي كتير قوي بيفتكروه ضعف بس عشان هم عندهم مشاكل'.

وتابعت: 'أنا مسنودة سندة ما يهزهاش بشر أبداً... ربنا معايا ودعوات أمي وأبويا ورضاهم عليا مرافقيني العمر كله... وكمان في ضهري رجل محترم وأمين ثقتي فيه عمرها ما خابت... ربنا يخليك ليا ولأولادنا... وقانون بلدي وعدالة بلدي النزيهة وراجل محترم وقف معايا من أول الحكاية وثقتي فيه كانت كبيرة جداً المستشار القانوني ياسر قنطوش'.

واختتمت مي فاروق منشورها قائلةً: 'فاللهم لك الحمد على كل نعمك وكرمك وفضلك... وسندتك دايماً عليا نعمة يا رب ورد كيد الكائدين وحقد وغل كل واحد له... اللهم آمين وانصرني دايماً كده وزيدهم كمان وكمان من اللي في قلوبهم وابعدهم عنا اللهم آمين... الظلم وحش ونصرة ربنا جميلة قوي'.