سخر الإعلامي باسم يوسف من وصف البعض له بأنه ينتمي إلى المعارضة 'الفالصو' أو غير الحقيقية.

وقال باسم يوسف خلال حواره مع الإعلامي أحمد سالم في برنامج 'كلمة أخيرة' المذاع عبر قناة ON: ' أنا مش فاهم الواحد المفروض يعمل إيه عشان مايصنفش إنه معارضة فالصو، أنا واحد بيقول نكت على الأحوال اللي حواليه إن استطعت إلى ذلك سبيلا. مشكلتي إني عشان الريتش الميكروفون بتاعي كبير حبتين وبيوجع'.

وأضاف باسم يوسف: 'في أوقات لازم أحافظ فيها على الميكروفون بتاعي وأسكت، ناس شايفة الميكروفون ده له أهداف أو تصنيفات أو أجندات مختلفة دي مشكلتك مش مشكلة الميكروفون'.

تحدث باسم يوسف خلال اللقاء عن تعرض والدته الراحلة للإساءة بسبب المحتوى الذي يقدمه عبر موقع يوتيوب.

وقال باسم يوسف: 'مامتي الله يرحمها قالتي علمني أدخل يوتيوب عشان أتفرج على فيديوهاتك، علمتها وكانت أسوأ غلطة عملتها'.

وتابع: 'بني آدمة طبيعية شافت ناس بتشتمها وهي في بيتها لمجرد إنها أم واحد بيعمل محتوى يوتيوب، معرفتش تستمتع بالبرنامج بتاعي.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟