تحدث الفنان أحمد السعدني عن يوم وفاة والده النجم صلاح السعدني وكيف تلقى الخبر.

وقال أحمد السعدني خلال لقائه مع الإعلامي أنس بوخش في برنامج abtalks: 'لما أتوفى أنا كنت في البيت، أنا حظي في الموضوع دا حصلتلي مرتين إني أبقى نايم، وقت أبويا ووقت خالي اللي كان أعز أصدقائي كنت نايم'.

وتابع أحمد السعدني: 'أغبى حاجة في الدنيا أنا عمري ما أبلغ حد بخبر وفاة مستحيل مش هقول لحد، لكن حد يصحيك ويديك الخبر أسوأ حاجة في الدنيا'.

وأكمل ليحكي عن يوم وفاة والده: 'أنا لما بنام بقفل على نفسي بالمفتاح لأن لما حد بيصحيني من النوم بتعصب جدا فجأة في ترزيع على الباب برا أنت قايم من النوم خلاص في مصيبة بس برجع وأقول دي سنة الحياة وهو الحمد لله كان في سريره وبيته ومتعبش'.

وكشف أحمد السعدني أنه شخص لا يظهر مشاعره كثيرا وأكثر شيء كان يتمنى أن يقوله لوالده هو التعبير عن حبه له: 'في حاجات كنت أتمنى أقولهاله ومقولتهاش لأن أنا مش بعرف أعبر عن مشاعري في الحياة أنا بحبك جدا ومش بفضل أقولها، بس هو طبعا عارف وبحاول مغلطش الغلطة دي مع أمي دلوقتي ومع أولادي كل شوية أقول بحبكم'.

ورحل الفنان صلاح السعدني عن عالمنا صباح الجمعة 19 أبريل 2024، عن عمر ناهز 81 عاما.