كشفت النجمة أيتن عامر كواليس تجربتها كـ 'سنجل ماذر'، وأبرز الأمور التي تحافظ من خلالها على جو الاستقرار مع أولادها.

وقالت أيتن عامر خلال حوارها مع الفنانة إسعاد يونس في برنامج 'صاحبة السعادة' المذاع عبر قناة dmc: 'الولاد بيحسوا بمشكلة لو في تقصير في حاجة، لكن لما تبقى الأمور ماشية تمام، ومفيش عندهم نواقص، وكل حاجاتهم بتتعمل في معادها مابيبقاش عندهم مشكلة'.

وردا على سؤال هل تأثر أولادها بغياب نموذج الأب، قالت أيتن عامر: 'باباهم موجود في حياتهم، وقت ما يبقى فاضي بيظهر في عيد ميلاد أو حفلة في المدرسة'.

وتابعت: 'كل الولاد دلوقتي عايزين الموبايلات يتفرجوا على فيديوهات، وبحاول أتحكم في الموضوع ده قد ما أقدر، وعايزين يلعبوا ويخرجوا ويحضروا أعياد ميلاد ويسافروا يتفسحوا'.

وتحدثت أيتن عامر عن الأنشطة التي يمارسها أولادها قائلة: 'يوسف تقريبا سبع سنين ونص، بيلعب كورة ويركب خيل حلوة أوي، وهو وأخته ابتدوا قفز الحواجز ومبسوطة بيهم جدا، لأن الفروسية شيء جميل بتغير شخصية الأطفال'.

من ناحية أخرى، تواصل أيتن عامر تصوير مسلسل 'كلهم بيحبوا مودي'، الذي تشارك به في موسم رمضان 2026.

المسلسل كوميدي مكون من 15 حلقة، من بطولة ياسر جلال، ميرفت أمين، أيتن عامر، هدى الإتربي، ومصطفى أبو سريع، وريهام الشنواني، والمسلسل من تأليف أيمن سلامة، وإخراج أحمد شفيق.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟