رد الفنان تامر حسني على الفنانة مي عز الدين، بعدما حكت كيف وقف بجانبها وقت وفاة والدتها ووقت مرضها.

وكتب تامر حسني عبر خاصية القصص القصيرة في حسابه على Instagram: 'يا مي أنتي عارفة غلاوتك وغلاوة ماما الله يرحمها عندي كبيرة قد إيه، إحنا عشرة سنين صداقة وأخوة وأكبر نجاحات إنتي حتة مني يا مي، أختي اللى أمي مخلفتهاش، وجوزك تيمور ده من أرجل وأجدع الناس في الدنيا، واطمنت عليكي أول ما عرفته حقيقي بني آدم راجل وبيحبك وأنا بحبه'.

وكانت مي عز الدين قالت عن تامر حسني خلال لقائها في برنامج'صاحبة السعادة': 'تامر حسني هو اللي قام بمراسم ماما أصلا أنا ما كنتش أصلا بقف على طول يعني أنا كنت بقع فما نزلتش ما عملتش حاجه تامر اللي عمل'.

وأكملت مي عز الدين: 'وفي آخر تعب ليا في المستشفى والعملية اللي عملتها دي تامر حسني جاللي على طول ودي حاجة من قلوب الناس دي بجد لأن الحاجات دي أو بالذات حياتي أنا مابتتصورش هو عرف من السوشيال ميديا برده ولكن على طول اتحرك واتصل بصديقتي الأنتيم وعرف احنا فين وسأل على المستشفى وكلم زوجي وجه وقضى معاه اليوم كله في المستشفى وبهدل الدنيا وضحك الممرضات وقعد يضحكني لما كانت كل الغرز هتفتح'.

يذكر أن مي عز الدين غابت عن موسم رمضان 2026، بعد خروج مسلسلها 'قبل وبعد' من السباق الرمضاني.

وكانت مي عز الدين شاركت في رمضان 2025 بمسلسل 'قلبي ومفتاحه' مع آسر ياسين ودياب وأشرف عبد الباقي وعايدة رياض وسما إبراهيم وأحمد خالد صالح ومحمود عزب، تأليف وإخراج تامر محسن.

نرشح لك: إيه رأيكم لو حولنا البروفيسور لمسلسل مصري. مين يعمل الأدوار؟