كشفت الفنانة أنوشكا أن شخصية 'شيرين' في مسلسل 'نجيب زاهي زركش' كانت هي الأصعب في الدراما وأرهقتها في الأداء.

أجابت أنوشكا على سؤال الإعلامية إنجي علي في برنامجها 'أسرار النجوم' أي من الشخصيتين كانت الأصعب بالنسبة لك شخصية 'إجلال' في 'وتقابل حبيب' أم شخصيتك في 'جراند أوتيل'؟ قائلة: ولا دي ولا دي ... الشخصية اللي أرهقتني كانت شخصية 'شيرين' في مسلسل 'نجيب زاهي زركش'.

وأكملت: الشخصية بها لمحات كوميدية، وأنا مش شايفة نفسي إني كوميديانة، ممكن أعمل كوميديا موقف، وأنا واخده الموضوع جد قوي، والزميل العزيز محمد محمود (خدام البيه) جاي يطلب إيدي الساعة 12 بالليل وهو سكران فكان موقف فظيع.

وأضافت: وكمان شخصية 'شريفة هانم' في مسلسل 'راجعين يا هوا' الشخصية اللي قدمتها، والخناقات الدائمة مع وفاء عامر والندية اللي كانت في العمل بين الأبطال، كان دور قوي.

أمي كانت تقول لي: متستكبريش أو تتعالي على أي شغلانة بتعمليها، طالما انت بتحبي اللي بتعمليه.

مع كل دور بحس انى في امتحان جديد، بنتظر رأي الناس وتعليقاتها على الدور، وتعلقهم بالشخصية وحفظ جملها.