حل الفنان أحمد كمال في لقاء مع إذاعات راديو النيل مع عماد إسماعيل على هامش مهرجان القاهرة الدولي للمسرح التجريبي في دورته الـ 33.

وصرح أحمد كمال خلال البرنامج قائلا: 'بعتبر نفسى ابن للمهرجان ده، وياما شوفنا فيه عروض من كل أنحاء العالم وشاركت فى ورش كتير تخص المهرجان، سواء عروض أو ندوات وكان بالنسبة لي حدث أكتر من رائع'.

وتابع أحمد كمال: السنة دي فى المهرجان أنا بعمل ورشة بعتبرها من الورش العزيزة على قلبي جدا، لأني قدمت فيها فكرة ورش للسن الصغير تحت سن الـ20، بحب أشتغل مع السن الصغير، لأنهم بيبقوا رائعين جدا، وفيه منهم عنده خبرات وفيه لأ، بس فى الآخر كلهم بيتعلموا من بعض وبيساعدوا بعض.

وأضاف أحمد كمال: دايما بقول نصيحة للشباب اللى عايزة تمثل، إنهم يبدأوا رحلتهم بالورش أو يدخلوا يدرسوا فى معهد الفنون المسرحية، ولو حد قدر يسافر برة يتعلم يبقى حلو أوى، وكمان يعملوا أفلام قصيرة على قد ما يقدروا بكاميرا الموبايل لو ما عندهمش إمكانيات، ويحضروا ندوات عشان ياخدوا خبرة.