أكد الفنان أحمد عز أنه لن يشارك في فيلم 'أولاد رزق' الجزء الرابع في حال تم تنفيذه.

وقال أحمد عز خلال لقاء عبر إذاعة 'نجوم FM': 'كفاية ولاد رزق كده أوي لأن خلاص عملنا 3 أجزاء'.

وتابع متحدثا عن الجزء الرابع من الفيلم: 'أنا هبقى من أول الداعمين لأي ولاد رزق بيتعمل مليون في الميه'.

وتطرق أحمد عز للأعمال التي يقدمها والنجاحات التي حققها وقال: 'لحد النهاردة نفس الإحساس اللي دخلت بيه الوسط اللي يهمني إني أعمال أعمال تبقى ناجحة زي اللي اتعلمته من أساتذتنا زمان، الأفلام اللي أشارك فيها تفضل تتشاف من وقت ما تتعمل لحد 20 و30 سنة دا كل طموحي'.

وأكمل أحمد عز: 'أنا عندي نهم للنجاح ودايما عايز أروح أبعد من كده أتمنى إني أقدر أعمل كده لأن إحنا عندنا مشكلة كبيرة جدا الفترة دي مشكلة ورق ومشكلة أفكار نقدم إيه أمتى آخر كام سنة 90% من الأفلام نفس التوجه مش بتكلم في حلو أو وحش، السنة اللي أنا كنت بعمل فيها 'ملاكي' إسكندرية كان أستاذ عادل إمام بيعمل فيلم وكان قبلها فيلم 'معالي الوزير' كان في تنوع، جزء كبير من الريادة والنجاح المصري الفن والرياضة وعايزين نفضل محافظين على ده.

يذكر أن أحمد عز يتواجد في موسم رمضان 2026 بالمسلسل الإذاعي 'الفهلوي'.