لم تتمالك الفنانة دينا محسن الشهيرة بـ'ويزو' دموعها بمجرد أن قرأت اسم طفليها 'إسماعيل ومسك'.

وخلال لقائها في برنامج 'أسرار النجوم' من تقديم إنجي علي عبر إذاعة وقناة 'نجوم FM' في فقرة تفتح فيها ويزو ورقة مكتوب فيها اسم شخص ما لتوجه له رسالة، وعندما وجدت اسم ابنيها بكت متأثرة.

وقالت ويزو: 'الولاد غاليين أوي هما نقطة ضعفي، نفسي أشوفهم صالحين وراضيين ربنا، معنديش مشكلة أنهم يمثلوا لكن مش دلوقتي لأني بشوف الأطفال اللي بتمثل طفولتهم بتتدمر'.

وتابعت ويزو: 'نفسي أعلمهم أنهم يخافوا من ربنا جدا وأعلمهم يبقوا واثقين في نفسهم وبيحبوا أبوهم وأمهم، أنا مسميه 'إسماعيل' على اسم سيدنا إسماعيل عشان يبقى بار بينا، اسم 'مسك' لما عرفت إني حامل في بنت كل أسامي الدلع جات في بالي، واخترت اسم 'مسك' وفي يوم كنا بنتفرج أنا وشريف جوزي على فيلم 'حامل اللقب' وأول حاجة اتقالت لدينا الشربيني أن اسمها 'مسك شريف' فاخترناه'.

وعن صعوبات التربية قالت ويزو: 'الولد تربيته أسهل من البنت، مسك عندها سنتين وإسماعيل 5 سنين، البنت مش هتعرفي تزعقي ليها ولا تكسريها لو عملتي كده هتتعود على ده ولو أي حد في المجتمع الخارجي عمل معاها كده هيبقى بالنسبة ليها عادي، البنت لازم يبقى عندها نوع من أنواع الثقة بالنفس أكتر، أما الولد صحابه هيعلموه أصلا أن هو يبقى عنده ثقة في النفس ويقولوا أنشف أنت راجل، لكن البنت لازم تبقى رقيقة وأنثى وفي نفس الوقت قوية وعندها شموخ، لاحظت أن تربيتها أصعب'.

يذكر أن ويزو شاركت مؤخرا في مسرحية 'الباشا' التي عرضت في موسم الرياض.

ومسرحية 'الباشا' بطولة كريم عبد العزيز وهنا الزاهد، كل من حاتم صلاح ودينا محسن وهيدي كرم، والعمل من إخراج رامي إمام، أغاني تامر حسين، ألحان عزيز الشافعي، وتوزيع موسيقي نابلسي.