تحدثت المخرجة إيناس الدغيدي عن تصريحاتها السابقة والتي كثيرا ما تهاجم عليها، ومنها تصريح عن ترخيص بيوت الدعارة.

وقالت إيناس الدغيدي في لقاء ببرنامج 'الفصول الأربعة: 'بيوت الدعارة كانت موجودة في العالم كله وكانت موجودة في مصر قبل الثورة، وترخيص بيوت الدعارة ملهاش علاقة بالدين أنا مقولتش لازم أنا بقول فيها حماية للمجتمع واللي بيشتغل فيها، لما بتقنن أي حاجة أن بتحط له قوانين وأسس، الدعارة مهنة موجودة في العالم كله من زمان أوي ولما بتحصرها وتحددها وتحط فيها قوانين والتزامات وعلاجات وصحة أنت بالعكس بتحميها بدل ما هي متسابه كده'.

وتابعت إيناس الدغيدي: 'ترخيص بيوت الدعارة بيحد من انتشار مرض الإيدز ومن العنف، لو واحدة بتشتغل كده لحسابها وحد قتلها مش هتعرف لكن لو بتشتغل في مكان هيبقى معروف مين عمل كده، لكن دلوقتي عمارة تلاقي فيها بيت بيدار للدعارة'.

وأضافت إيناس الدغيدي: 'متحجروش علينا التفكير هو اللي يفكر يبقى كافر؟ اللي يناقش يبقى كافر، في علم وتطور وفي حاجات كتير أوي حصلت في الدنيا، لما بتشوف الحاجات اللي بتحصل بتحتار وتقول يارب اللي قولتهولنا كله مش صح'.

يذكر أن آخر أعمال إيناس الدغيدي كان فيلم 'مجنون أميرة' وعرض عام 2009، من بطولة نورا رحال وحازم سمير ومصطفى هريدي، تأليف أشرف شتيوي، سيناريو وحوار مصطفى محرم.