رد الفنان سامو زين على الانتقادات التي وجهت لأحدث أغانيه 'بايظة'.

وخلال مداخلة هاتفية مع برنامج 'تفاصيل' من تقديم نهال طايل: 'أنا استمتعت بالهجوم على أغنية 'بايظة' أنا بعمل أغنية يفتكروها ينبسطوا بيها الدنيا صيف، واللجان الإلكترونية مبقتش حاجة مستخبية ودورها الهجوم بس أنا اتعودت، وبعرف الفرق لما يكون في لجان عايزة تدمر أو عايزة تعمر، اللجان دي دورها الهدم وليس العمار'.

وتابع متحدثا عن الأغنية ولماذا اختار 'بايظة' لطرحها: 'طول عمرنا بنطرح أغاني كتير ومن شهرين قدمت 'قلبي وروحي وحياتي' وقدمت أغاني تانية والحمد لله عملت مشاهدات كتيرة، دايما بنحاول نختلف وشغل بنحاول نقدمه وأفكار جديدة وهي من الميني ألبوم اللي بقدمه، الناس متعودة عليا إني أطرح أغاني مختلفة، حسيت أن ناس كتير انتقدت الكلام السلبي والفكر السلبي في أغنية 'بايظة' الفكرة لما تبص لنفسك في المراية وتلاقي حياتك 'بايظة' تبقى عايز تصلحها حبيت أطرح الموضوع بشكل كوميدي وفكاهي بنتكلم عن حاجات كتير بتعبر عن حاجات جوانا وأنا فادني الموضوع دا وصلحت كتير حاجات في حياتي'.

وردا على سؤال مقدمة البرنامج نهال طايل حول الهجوم عليه في حين أن الفنان محمود العسيلي طرح في وقت سابق أغنية بنفس الاسم 'بايظة' ولم يتلق أي هجوم قال سامو زين: 'يمكن عشان البوظان عندي أكتر'.

وتحدث سامو زين عن التحضيرات الفنية لألبومه الجديد، وتجربته في تقديم ألوان غنائية مختلفة عما اعتاده الجمهور منه في الأغاني الرومانسية.