حلّ المخرج كريم الشناوي ضيفًا على برنامج 'ضيفي' الذي يقدمه الإعلامي معتز الدمرداش عبر قناة الشرق، حيث كشف خلال اللقاء عن كواليس مسيرته الفنية، وتفاصيل خاصة حول مسلسل 'لام شمسية' الذي عُرض في السباق الرمضاني الماضي، مشيرًا الى أن النجاح بالنسبة له لا يُقاس فقط بنسب المشاهدة، مفجّراً مفاجأة عن ترشيح عدد من الفنانين للأدوار الرئيسية منهم منى زكي وإياد نصار، مؤكداً أن ما يقال عن أن 'لام شمسية' هو الأعلى مشاهدة غير صحيح، وأن مسلسل 'إش إش' لمي عمر هو الأعلى مشاهدة.

قال كريم: 'مسلسل لام شمسية مش أعلى مشاهدة، إش إش هو الأعلى، بس أنا مش عايز أبقى الأعلى مشاهدة، مش فارق ليا، أستاذ محمد سامي أشطر واحد في الحتة دي، أنا معرفش أعملها زيه، وهو ميعرفش يعمل اللي أنا بعمله'.

وكشف الشناوي أن التركيبة الأصلية لفريق عمل 'لام شمسية'، كانت مختلفة تمامًا، قائلًا: 'لما كنا بنحضّر للمسلسل في 2022، كانت منى زكي هتقدم دور أمينة خليل، وكان فيه كاست تاني بالكامل: إياد نصار، وأحمد رزق، وإسعاد يونس، لكن لما المشروع اتوقف ورجعنا نستعد ليه، الظروف والارتباطات غيرت الكاست'.

وعن حياته الشخصية، تحدث الشناوي عن تأثير الأبوة على تفكيره، قائلًا: 'لما بقيت أب، بقى في مسؤولية، وبفكر دايمًا أربي ابني إزاي وأقوله إيه عن الدنيا، الجملة اللي الأهالي بيقولوها لأولادهم اللي يضربك اضربه، مش شايفها صح، الأفضل أقول له اشتكي، ومتسيبش حقك من غير ضرب'.