وجه الممثل الشاب ياسين السقا نجل الفنان أحمد السقا رسالة للمنتقدين بعد مشاركته في موسم رمضان 2025 بمسلسل 'سيد الناس'.

ونشر ياسين السقا صورة كتابية عبر حسابه على Instagram اعتذر فيها على منشور سابق كان قد نشره وحذفه فيما بعد، ووجه رسالة للحاقدين.

وقال ياسين السقا: 'أولا عايز أقول لكم عيد سعيد ويارب يكون خير عليكم وعلى كل حبايبكم وعلينا جميعا. أنا كنت عايز انزل البوست دا بقالي فترة بس كنت بفكر اكتب إيه، في ناس زعلانة من منشور نزلته من كام يوم واتهاجمت عليه كتير وللأسف في ناس زعلت مني واللي في بالي دول بعتذر لهم لأن في ناس فعلا بتنتقد باحترام حتى لو الدور مكنش كبير ومش مفهوم أوي من الجمهور أنا متقبل دا تماما وداخل المسلسل وعارف دا وفيه الحمد لله اللي فهموا الدور واللهجة والكلام المكسر دا عشان طارق عايش طول عمره في لندن'.

وتابع ياسين السقا: 'الأغلبية من الناس اللي هما فاكرين نفسهم نقاد كانوا بيستخدموا الشتايم وبيتنمروا وبيجيبوا سيرة والدي ووالدتي بمجرد بس إن والدي أحمد السقا في ناس مجرد أن دا والدي وليه ناس مش بتحبه شخصيا لازم يشتموني ويجيبوا سيرة الأم والأب وحتى يدعوا عليا بالموت وكان في كتير منهم'.

واختتم ياسين السقا رسالته: 'أحب أقول للمحترمين إني بعتذر لهم على المنشور اللي نشرته بتاع الأسد ودا مش موجه ليكم أبدا، وللحاقدين ربنا يهديكم أنا هنجح وهتشوفوا اللي خلف مامتش'.

وقدم ياسين السقا خلال أحداث مسلسل 'سيد الناس' دور 'طارق' شاب عاش حياته في لندن.

مسلسل 'سيد الناس' بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.