وجه الإعلامي محمود سعد رسالة لجمهور الفنانة أنغام ليطمئنهم عليها أولا وليطالبهم بعدم تصديق الشائعات والأخبار التي تكتب عنها وعن حالتها الصحية.

وكتب محمود سعد عبر حسابه على Facebook: 'عايز أطمنكم على أنغام لأن في أخبار كتير بتتنشر مش صحيحة، لسة تداعيات الجراحة مسببالها ألم والأعراض الجانبية للعملية تستدعي بقائها في المستشفى أيام أخرى لغاية ما يسيطروا عليها'.

وتابع محمود سعد: أنا بطمنكم عليها أول بأول علشان تبقوا عارفين الأخبار الدقيقة بعيدا عن الشائعات وعلشان طبعا وده الأهم تدعولها'.

ودائما ما يتواصل الإعلامي محمود سعد مع أنغام ومديرة أعمالها وابنها عمر للاطمئنان على صحتها.

وسبق ونفى الأخبار التي انتشرت عن دخولها لغرفة عزل قائلا: 'أنغام مدخلتش أوضة العزل كما نشر البعض، هي عملت الجراحة ودخلت عناية مركزة للإفاقة العادية، ودخلت بعدها غرفة عادية، ولغاية الآن هي بتحس بألم جبار في منطقة البنكرياس والمعدة'.

وتابع محمود سعد: 'واضح إن الجراحة كانت خطيرة ودقيقة جدا، والحمد لله الجراحة نجحت، لكن في مشكلة في التحاليل، في أرقام ظبطت وأرقام مش عايز تظبط، وبعد ما كانت من يومين ابتدت تاكل حاجة بسيطة دلوقتي مش قادرة من الألم'.

وأكمل: 'أنغام طالبة منكم تدعو لها دعاء جميل إن ربنا يساعدها تتحمل الألم وتتخطاه. هي في أوضتها مع أصدقائها ومديرة أعمالها وولادها، لكن في ألم جامد وخروجها مؤجل شوية. إن شاء الله تبقى زي الفل وترجع لنا كلنا وتغني وتسعدنا'.