تحدث الفنان تامر عاشور عن فكرة تقديمه لأغاني درامية دائما وحديث البعض أن أغانيه لا تتناسب مع الأجواء الصيفية و الترند.

وفي مؤتمر صحفي على هامش حفله في مهرجان قرطاج قال تامر عاشور: 'كل الأغاني الدرامية اللي بتنزل بتبقى ترند وأنا ضد فكرة دي أغاني درامية ودي أغاني مفرحة كل واحد بيغني لون معين ويتميز بيه، 'هيجيلي موجوع' كانت أفضل أغنية السنين اللي فاتت، أنا ضد فكرة أن في أغنية صيفي وأغنية شتوي أهم حاجة اللحن يوصلك وأقدر أوصله بالشكل المناسب بقدر المستطاع'.

وعن مواعيد طرح الأغاني قال تامر عاشور: 'أنا مبفكرش في وقت وأنزل أمتى حتى الترند لما الأغاني بتكون ترند مش بعلن وأقول أنا رقم كذا لأن أي حد دلوقتي بيبقى ترند مش حاجة صعبة أهم حاجة الاستمرارية واللي بتقدمه إزاي يوصل للناس'.

وردا على جدل لقب 'صوت مصر' قال تامر عاشور: 'فكرة صوت مصر مش عايزين نتطرق للكلام دا كتير لأنه بيزعل ناس إحنا كلنا بنعتبر أصوات مصر وشيرين عبد الوهاب قالت كده، كلنا صوت مصر إحنا فنانين مصريين وبنقدم الفن اللي بيرتقي ببلدنا ويخرج برا بلدنا في الوطن العربي كله'.

يذكر أن تامر عاشور طرح مؤخرا أحدث ألبوماته الغنائية 'مراية الحب' ويضم 12 أغنية:

أغنية 'مراية الحب' من كلمات سمير طارق وألحان طنطاوي وتوزيع أماديو، وأغنية 'نزلت اتمشيت' من كلمات تامر حسين وألحان عزيز الشافعي وتوزيع حسام الصعبي، وأغنية 'ولاد حلال' كلمات تامر حسين وألحان عزيز الشافعي وتوزيع أسامة الهندي.

ويضم الألبوم أغنيات 'جدع' من كلمات محمد مصطفى مالك وألحان محمود أنور وتوزيع أحمد إبراهيم، وأغنية 'وصولي' من كلمات تامر حسين وألحان عمرو مصطفى وتوزيع شريف فهمي، وأغنية 'تمنياتي' كلمات تامر حسين وألحان عزيز الشافعي وتوزيع 'توما' وأغنية 'مكاني الصح' من كلمات أحمد المالكي وألحان محمد خلف وتوزيع إلهامي دهيمة وأحمد حسام، وأغنية 'متلخبطة أحوالي' كلمات عليم وألحان مدين وتوزيع حسن الشافعي.

الألبوم الجديد لتامر عاشور يضم أيضا 'شوفتني' من كلمات عمرو عبده علي وألحان عمرو الشاذلي وتوزيع محمد ياسر، وأغنية 'آسف' من كلمات أحمد المالكي وألحان محمدي وتوزيع أسامة الهندي، وأغنية 'مش فارقلي' من كلمات محمد جشم باشا وألحان سامر أبو طالب وتوزيع نادر حمدي.