كشف المخرج مجدي أن فكرة تقديم جزء ثان من فيلم 'الناظر' لا تزال قائمة.

وقال مجدي الهواري في لقاء ببرنامج 'حبر سري': 'الفكرة موجودة وهتفضل موجودة أنا على قناعة أن فيلم 'الناظر' دا يتعمل منه جزء تاني وتالت بشرط يبقى عنده حاجة هيقولها ومنضيعش اللي فات لأنه عظيم، واللي فات أنت اللي صنعته مجاش النجاح بالصدفة فتقدر تطلع بحاجة تانية، في خلط عند الناس لما ينجح حاجة نروج نعملها تاني عشان ما صدقنا نجحنا، لكن لأ ما دام تعبت واجتهدت تقدر تعمله تاني'.

وعن الفنان الذي يرشحه لتقديم دور البطولة قال مجدي الهواري: 'لسه مفكرناش في النجم اللي يقدمه، لكن اتفقت مع المنتج أحمد عبد الله لما يطلع معالجة هنشوف إيه اللي يناسب الموضوع ، الشغلانة بتاعتنا مؤلف ومخرج وبعدين فريق العمل لازم يطلع الأول المعالجة الدرامية اللي هتضيف لفيلم 'الناظر' لو محصلش مش هنقدمه لأننا نقدر نقدم أي حاجة تانية'.

وأوضح مجدي الهواري أنه عندما تحدث أنه يرى أن أكرم حسني هو المناسب لتقديم الدور، نفى أكرم حسني أن يكون عرض عليه العمل، لذا هو الآن لا يفكر في بطل العمل بل القصة التي ستظهر.

وفيلم 'الناظر' من بطولة علاء ولي الدين، وحسن حسني، وهشام سليم، وبسمة، وأحمد حلمي، ومحمد سعد، وحجاج عبد العظيم وإخراج وتأليف شريف عرفة، وسيناريو وحوار أحمد عبد الله.