وجه النجم هشام عباس رسالة للنجمة شيرين عبد الوهاب، يطالبها بالرجوع لجمهورها.

قال هشام عباس: 'نفسي أكلم شيرين عبد الوهاب، واقعد معها وأقول لها يا شيري أنت في مكانة مابتحصلش لحد غير كل 100 سنة مرة، وعندك ناس كتير بتحبك، واللي زيك لازم يستثمر أوي في نفسه، ولازم ياخد باله من روحه ومن أفعاله، وياخد باله من كل حاجة بيعملها في حياته لإن هو مهم'، وذلك في تصريحات لبرنامج 'أسرار النجوم' الذي تقدمه إنجي علي.

وأضاف هشام عباس: وعندنا أمثلة كتير أوي حوالينا تخلينا نمشي على نهجهم، عندنا فيروز وأم كلثوم وأنغام، بقى في ناس حواليكي كتير بتاخد بالها من نفسها، بتعرف تاخد بالها من نفسها، وأتمنى يا شيري تاخدي بالك من نفسك، وترجعي لجمهورك ولنفسك ولكل الناس اللي بيحبوكي، وتِسكي على كل الحاجات السلبية.