كشف الفنان أمير شاهين، أسباب عدم حديثه عن أسرته وإخفائه أبناءه وحياته الشخصية عن الجمهور ومواقع التواصل الاجتماعي، موضحًا أنه لا يريد أن يتعرض أبناؤه لأي نوع من أنواع التنمر عبر مواقع التواصل الاجتماعي.

قال أمير خلال تصريحات صحافية: 'مفيش حاجة تشجع أن الواحد يظهر حياته على السوشيال ميديا، وفعلًا الواحد لازم يبقى عنده حياة شخصية، صحيح الواحد فنان والناس تحب تعرف عنه كل حاجة، ولكن لازم يكون في جانب ميخصش الناس في حاجة'.

تابع: 'السوشيال ميديا بقى أي حد قاعد ورا الشاشة ومالوش رأي حتى في بيته بيحس إنه لو تطاول وتنمر على حد هيكون له قيمة ورأي، وده طبعًا استعمال خاطئ للسوشيال ميديا'.

وعن مشاركته في مسلسل سيد الناس، والذي يعرض حاليًا في السباق الرمضاني، قال: 'الحمد لله الناس مبسوطة من سيد الناس وردود الفعل لغاية دلوقتي كويسة جدًا، ونجاحه بيزيد كل يوم وده حاجة مفرحة لينا ولكل أعضاء العمل'.

مسلسل 'سيد الناس' من بطولة عمرو سعد، إلهام شاهين، ريم مصطفى، سلوى عثمان، ملك أحمد زاهر، منة فضالي، رنا رئيس، محمود قابيل، خالد الصاوي، أحمد فهيم، أحمد رزق، جوري بكر، من إخراج محمد سامي.