بعد غيابها لفترة طويلة، فاجأت الفنانة مي الغيطي الجمهور بالإعلان عن تعرضها لحادث صعب في تايلاند قبل أشهر، ما تسبب في اختفائها بسبب تلقيها العلاج.

ونشرت الممثلة المصرية مقطع فيديو عبر حسابها على انستغرام، وارفقته بتعليق توضيحي كتبت فيه: 'في ناس كثيرة بتسألني أنا كنت مختفيه ليه، من 7 شهور حصلت معي حادثة في تايلاند، اتخبطت بعربية نقل في العربية اللي كنت فيها، واتصبت إصابات بالغة'.

وأضافت: 'حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي. قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم'.

وتابعت مي: 'ما كنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، بعد علاج طبيعي لفترة وكل شوية نكتشف حاجة جديدة أنا دلوقتي أحسن بكتير جدا الحمدلله وأي حاجة محدش كان متخيلها بعد فترة نسبيا قليلة'.

وختمت كلامها بالقول: 'حاسة إني كنت عايزة أشارك ده دلوقتي عشان أقول أن الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي. لو إنت بتمر بوقت صعب، أرجوك كون صبور مع نفسك عشان عدم فقدانك إيمانك انك هتكون أحسن بجد بيفرق في قدرتنا على تحمل الصعاب'.