طمأنت الفنانة شهيرة جمهورها على زوجة ابنها المذيعة آيات أباظة، بعد مرورها بوعكة صحية صعبة خلال الفترة الماضية.

وقالت شهيرة خلال مداخلة هاتفية ببرنامج 'الحكاية من البداية': 'آيات خرجت من المستشفى والحمد لله بقيت أحسن وتتماثل للشفاء الحمد لله دا من عند ربنا نشكر ربنا أوي أوي'.

وكانت شهيرة كشفت تفاصيل الحالة الصحية للإعلامية آيات أباظة بعد خضوعها لعملية جراحية أكتوبر الماضي.

وقالت شهيرة خلال مداخلة هاتفية ببرنامج 'الستات': 'عملت عملية أخدت 5 ساعات والحمد لله الدكتور قال أن النتيجة مرضية والحمد لله راحت على أوضة عادية مش عناية مركزة، إحنا كنا في حالة مش حلوة خالص وقلقانين جدا وأولادها الله يكون في عونهم إحنا متعشمين خير في ربنا أنه يطلعها من الأزمة دي على خير، دلوقتي مطمنين إلى حد ما ان الأمور ماشية وإن شاء الله فاضل خظوة للشفاء مستنين التحاليل عشان نطمن أكتر'.

وتابعت شهيرة: 'كنا عملنا قبل كده عينة والحمد لله طلعت أن هي كانت حميد والعلاج جاب نتيجة لكن الدكتور الجراح بيكون عنده وجه نظر تانية أن يفتح ويشوف وياخد عينة تاينة لمزيد من الاطمئنان، وإن شاء الله ترجع بخير وسلامة'.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟