انتقد الإعلامي شريف مدكور اقتراض بعض الأشخاص للمال من أجل السفر للحج والإقامة في فنادق غالية الثمن.

وكتب شريف مدكور عبر حسابه على Facebook: 'بستغرب قوي اللي يوافق يروح يحج على حساب حد ( براشوت ) ويبقى قاعد في برج الساعة مش بتتكسفوا من ربنا ؟؟؟ وفي ناس تانية بتقعد سنين تحوش علشان تروح الحج وممكن يناموا في الشارع سبحان الله فعلا'.

على جانب آخر، كشف شريف مدكور عن أمنيته في تقديم برنامج ديني.

وقال شريف مدكور خلال لقائه في بودكاست 'الرحلة': 'أنا أتمنى وحلمي إني أعمل برنامج ديني، ممكن الناس تتخض، أنا بقالي 4 أو 5 سنين بذاكر في الدين مع نفسي، وأنا كاتب إني شيخ نفسي'.

وتابع شريف مدكور: 'مع كامل احترامي لكل رجال الدين في كل الديانات ولكل الشيوخ على راسي من فوق لكن أنا لقيت الشيخ دا بيقول غير الشيخ دا والمذهب دا غير المذهب دا أنا أمشي مع مين؟ فأنا اللي عملته إني سمعت الكل وقريت للكل وبعد كده في قلب استفتيته وفي عقل فكرت بيه وربنا قالي اقرأ فقرأت في كل حاجة، أنا قريت ديني وقرآني اللي بحبه جدا ورسولي أنا في حاجات كتير ساعات لما بعملها بقول لو أنا قاعد قدام الرسول عليه الصلاة والسلام كان هيقولي إيه'.

وأوضح شريف مدكور أنه إذا قدم برنامجا دينيا لن يتقاضى عليه أجرا: 'وماخدش فيه فلوس مش هاخد أجر، وعملت ده قبل كده في قناة المحور كان كل يوم اتنين وتلات عندي قرة ثابتة مع عالم من علماء الأزهر وأنا كان عقدي 5 أيام بس كنت بشتغل 7 أيام ولما جم يحاسبوني وقالوا نزود اليومين قلت لأ، لأن اليومين دول كان فيه تفسير للقرآن الكريم'.