رد الفنان محمد يوسف الشهير بـ'أوزو' على انتقادت رودا مواقع التواصل الاجتماع حول طريقته في المشي خلال أحداث مسلسل 'صحاب الأرض'، كاشفا أنه مصاب بمرض مناعي نادر يدعى 'التهاب الفقرات التصلبي'.

كتب محمد يوسف 'أوزو' عبر حسابه بموقع Facebook: 'أنا بشوف تعليقات كتير على موضوع ضهري، والله بصوا يا جماعة أنا فعليا من النوعية اللي مبحبش الصعبانيات ولا عمري حبيت أكسب تعاطف الناس والجو الرخيص دا، وكتير من الناس غير القريبين مني ميعرفش موضوع المرض اللى عندى.. أنا عندي مرض مناعي نادر اسمه ankylosing) spondylitis - التهاب الفقرات التصلبي)'.

أضاف محمد يوسف: المرض ده مالوش علاج، وكل اللى أقدر أعمله أخد العلاج البيولوجي بتاعي، عشان يبقى الحال على ما هو عليهK حتى حاولت اروح لدكتور متخصص عشان اعمل عملية تجميل.. ومن كتر ماهو دكتور مشغول راح معايا دكتور أشرف زكي ودخلت له بعد 8 ساعات انتظار في العيادة، والباشا كشف وقالي تعالى بعد سنة.. والعملية دي هتحتاج من 4 لـ6 شهور بعدها عشان ارجع طبيعي>

تابع محمد يوسف: أنا عاوز أعمل العملية، بس أكيد مع دكتور مهتم بحالتي، مش بيشوف جدوله فاضي امتي.. أنا من كتر الألم المخ بطل يبعت إشارات بالألم.. ولما ربنا بيكرم بروح أعمل علاج طبيعي مانيوال وعلاج مائي، بالمناسبة العلاج الطبيعي المانيوال دا عذاب.. فطبعا، أنا اسف لو حضرتك مش عاجبك مشيتي أو شكل ضهري، بس والله دا مش هعرف اعمل حاجة فيه لحد ما ربنا يأذن.. آسف للاطالة بس وجب التوضيح'.

يضم مسلسل 'صحاب الأرض' مجموعة كبيرة من أبرز الفنانين ومنهم إياد نصار ومنة شلبى وكامل الباشا وعصام السقا، وتارا عبود، ريم رأفت، آدم البكري، سارة يوسف، وعدد آخر من الفنانين وهو من تأليف عمار صبرى، وإخراج بيتر ميمي.