تحدثت المخرجة إيناس الدغيدي خلال حوارها في برنامج 'الفصول الأربعة'، الذي يقدمه الإعلامي علي ياسين عبر قناة الجديد اللبنانية، عن رأيها في وجود الجنة والنار.

وقالت إيناس الدغيدي: 'بيقولوا لنا في جنة ونار، أنا بقول ده تخويف بيرهبوك، لكن لا يمكن ربنا يكون قاسي كده، لما تسمع النار هيعملوا فيك إيه وإيه'.

وأضافت إيناس الدغيدي: 'أنا بقول إحنا جزء من الكون ده، وعلى فكرة إحنا كبشر مديين نفسنا أهمية كبيرة أوي'.

وتابعت: 'سبحان الله مش قاعد لنا كل واحد بيعمل إيه، مش ممكن هو مش فاضي لنا، والموضوع أكبر من كده بكتير'.

كما تحدثت إيناس الدغيدي خلال اللقاء عن ترخيص بيوت الدعارة قائلة: 'بيوت الدعارة كانت موجودة في العالم كله وكانت موجودة في مصر قبل الثورة، وترخيص بيوت الدعارة ملهاش علاقة بالدين أنا مقولتش لازم أنا بقول فيها حماية للمجتمع واللي بيشتغل فيها، لما بتقنن أي حاجة أن بتحط له قوانين وأسس، الدعارة مهنة موجودة في العالم كله من زمان أوي ولما بتحصرها وتحددها وتحط فيها قوانين والتزامات وعلاجات وصحة أنت بالعكس بتحميها بدل ما هي متسابه كده'.

وتابعت إيناس الدغيدي: 'ترخيص بيوت الدعارة بيحد من انتشار مرض الإيدز ومن العنف، لو واحدة بتشتغل كده لحسابها وحد قتلها مش هتعرف لكن لو بتشتغل في مكان هيبقى معروف مين عمل كده، لكن دلوقتي عمارة تلاقي فيها بيت بيدار للدعارة'.

يذكر أن آخر أعمال إيناس الدغيدي كان فيلم 'مجنون أميرة' وعرض عام 2009، من بطولة نورا رحال وحازم سمير ومصطفى هريدي، تأليف أشرف شتيوي، سيناريو وحوار مصطفى محرم.