كشفت الفنانة سوسن بدر عن المواصفات التي تبحث عنها في الشخص الذي تختاره ليكون شريك حياتها.

وقالت سوسن بدر خلال لقائها في برنامج 'كلام نواعم' عبر قناة MBC1: 'الثقة والتفاهم والراحة ويكون شخص عارفة تتكلمي وتضحكي معاه ودي حاجة مهمة جدا أنا مش متخيلة حياتي مع حد مش عارفين نضحك، لو مش فاهم النكتة ولو مش فاهمين الضحك مع بعض هنفهم الجد إزاي؟ يبقى فيه حاجات من اللي بحب أعملها، أنا بحب أقعد ساكتة ساعات فميزهقش مني أقعد أنت كمان ساكت، بالنسبة ليا بحب أقعد أمسك كتاب فشوف أنت بتحب إيه'.

وتابعت: 'حوالين كل بني آدم ربنا خلقه المساحة بتاعته مساحة إنسانية حتى لو متر الخصوصية'.

وأكملت سوسن بدر لتجيب على سؤال إن كانت اشتاقت للزواج قائلة: 'الجواز موحشنيش لكن ساعات بيوحشني الصحبة أن تسافري مع حد وتاكلي أكله حلوة مع حد أن حد يكلمك بالليل يقولك إزيك يبقى في حد بتخلصي بسرعة شغلك عشان عارفة أنه مستنيكي في البيت مش هيتعشى غير لما تروحي، أنا مش شايفة إني رومانسية لو كنت رومانسية كنت فلحت، دا اسمه الونس'.

يذكر أن سوسن بدر شاركت في موسم رمضان 2025 بمسلسل 'الكابتن' مع أكرم حسني، آية سماحة، أحمد عبد الوهاب، وئام مجدي، سامي مغاوري، أحمد الرافعي، محمد رضوان، وعدد من ضيوف الشرف، من تأليف عمرو الدالي عن قصة أيمن الشايب، وإخراج معتز التوني، وإنتاج كريم أبو ذكري بالتعاون مع المتحدة للخدمات الإعلامية.

كما شاركت سوسن بدر في مسلسل 'أثينا' مع ريهام حجاج، أحمد مجدي، نبيل عيسى، محمود قابيل،وسلوى محمد علي، ميران عبد الوارث، شريف حافظ، تامر هاشم، على السبع، جنا الأشقر، جايدا منصور، دونا إمام، تأليف محمد ناير، وإخراج يحيى إسماعيل، وتكون من 15 حلقة.