ردت الفنانة إلهام شاهين على الاتهامات التي وجهت لها بعد انتشار فيديو من جلسة الراحل يوسف شاهين ضمن فعاليات مهرجان الجونة السينمائي، وظهرت فيه تضحك مع الفنانة هالة صدقي بينما كانت الفنانة لبلبة تتحدث.

وحكت إلهام شاهين ما حدث لتوضح ما حدث قائلة: 'الحوار اللي كان بيني وبين هالة مش المفروض أقول إحنا كنا بنقول إيه بس الحقيقة أنا بقولها أنا هموت عايزة أروح التواليت قالتلي بعيد وخلاص قربنا نخلص الندوة وهزرت وقالتلي أعمليها مكانك وخلاص وضحكنا وشاورت ليسرا يلا خلصوا الندوة عايزة أروح الحمام، هزار بين اتنين أصحاب لبلبة ملهاش دخل بيها تماما'.

وتابعت إلهام شاهين: 'لبلبة حبيبتي وصاحبتي وإحنا عشرة عمر مع بعض وهي عارفة هي إيه بالنسبة ليا هي صديقة غالية جدا والمسألة متخصهاش تماما إحنا بنتكلم في موضوع تاني خالص وهالة دايما بتقول قفشات تضحك وضحكنا الموضوع كوميدي جدا هي بتهزر بتقولي اعمليها مكانك مش هنعرف نقوم لأن لو قومنا اللي هيقولولنا تعالوا صوروا ويوقفونا في الطريق والتواليت بعيد وأنا فعلا مش قادرة وبقول ليسرا يالا عشان نقوم مرة واحدة'.

وأكملت إلهام شاهين: 'حاجة غريبة جدا أن الناس ليه متصورين كده عشان هما بيتنمروا علينا طول الوقت فمتخيلين أن إحنا بنتنمر على بعض بالعكس إحنا الفنانين متماسكين جدا ومفيش حاجة بنا أبدا كلام سخيف وعبيط ومش ممكن قاعدين يتصيدوا عايزين يخلقوا لنا غلط مش لاقين غلط فبيخلقوا'.

لو فاتك: شطارة مايان السيد في الإجابة على كويز في الفن