كشف الفنان حسين فهمي سبب لجوء زوجته السعودية إلى خلعه، وكواليس رفضه طلبها بالطلاق.

وقال حسين فهمي خلال لقائه مع الإعلامية بسمة وهبة في برنامج 'العرافة' المذاع عبر قناة النهار: 'ست عايزة تنفصل، وفي طلبات ما وافقتش عليها، خلعتني إيه المشكلة؟ ومنعها من السفر كان شغل محامين، وكان نتيجته طلبها الخلع'.

أوضح حسين فهمي أن تلك السيدة اتهمته اتهامات غير صحيحة مثل سوء المعاملة والاعتداء بالقول والهمز واللمز قائلا: ' كلام فارغ، واتهمتني إني رميت هدومها في الشارع، وأنا مش ساكن في الشقة وقدامي جنينة مش شارع'.

وتابع: 'حصل سوء تفاهم وكان لازم ننفصل، أنا راجل مشهور وفي ستات كتير بتكلمني، والغيرة بتعمل مشاكل، ولأن مكانش عندها قدرة تشوف بسهولة كان في ناس بيقولوا لها حضن فلانة وباس فلانة، لما أشوف زميلة في الشغل في بيني وبينها عشرة سنين طويلة وأحضنها وأبوسها'.

وكشف حسين فهمي عن جذور علاقته بهذه السيدة قائلا: 'هذه السيدة عرفتها وهي بتشوف كويس زمان وانقطعت العلاقة، لما اتقابلنا تاني لقيت في إصابة في العين وسألت، واتضح إن في فيروس بياكل في الشبكية، تعاطفت معاها وده سبب الارتباط'.

وأكد حسين فهمي أنه لم يتطفل على أي شخص خلال مسيرته قائلا: 'عمري ما فكرت آخد فلوس من أي حد، الحمد لله أنا من عائلة كويسة، ولما يبقى معايا ست مش بخليها تحط إيدها في جيبها'.

يذكر أن حسين فهمي يشارك في مسلسل 'كامل العدد ++'، الذي يعرض خلال شهر رمضان.

ومسلسل 'كامل العدد ++' بطولة دينا الشربيني، وشريف سلامة، وبدرة، وأحمد عبد الوهاب، وإسعاد يونس، وميمي جمال، وإنجي المقدم، ومريم الخشت، وحسين فهمي، وألفت إمام، ومن تأليف رنا أبو الريش ويسر طاهر، وإخراج خالد الحلفاوي.