كشفت الفنانة درة كواليس مشهد ضربها 'بالقلم' للفنان أحمد العوضي، ضمن أحداث مسلسل 'علي كلاي'، الذي عرض في رمضان الماضي.

وقالت درة خلال لقائها مع الإعلامي عمرو الليثي في برنامج 'واحد من الناس' المذاع عبر قناة الحياة: 'عايزة أحيي أحمد العوضي في حاجة، إنه يبقى هذا البطل الشعبي اللي بيطلع يضرب ومعروف إنه بيعمل أكشن وبيلعب ملاكمة، وإنه يقبل يعمل مشهد بينضرب فيه بالقلم من واحدة ست ده معناه إنه فنان حقيقي مش عايز يستعرض فقط، وطبعا ده عمل تعاطف مع الشخصية وفادها'.

وردا على سؤال هل ضربته بالقلم فعلا، قالت درة: 'إحنا عندنا أسرار في التمثيل والتنفيذ، هو بيبقى حقيقي ومش حقيقي، حقيقي لدرجة ما لكن مش بالقوة اللي بتبان .. المشهد ده اتصور في الشارع حقيقي، وأنا بمثل قدام ناس حقيقية في وسط البلد كإنه مسرح وكلهم بتفرجوا علينا، ده كان صعوبة تانية'.

تفاصيل مشهد صفعة درة لأحمد العوضي في 'علي كلاي'

وقفت ميادة بثبات أمام 'علي كلاي'، وطلبت منه أن يخبرها إلى أين ذهبت زوجته 'روح'، واضعة شرطاً واضحاً: إن لم يجبها، فسترد الصفعة التي سبق أن تلقتها منه. ومع تصاعد التوتر في المكان، بدأت ميادة العدّ بصوت مرتفع: واحد… اتنين، وقبل أن تكمل العدّ إلى ثلاثة، قطع علي كلاي الصمت قائلًا: 'أنا موافق، اضربيني بالقلم'. لحظة بدت وكأنها قلبت موازين المواجهة، فميادة لم تتراجع، بل رفعت صوتها وسط الحضور في احتفال واضح بانتصارها المعنوي، وقالت بثقة متحدية 'علي كلاي اللي مافيش راجل بيعرف يوقف قصاده، أنا هضربه بالقلم اللي هيرن ويعلّم على وشه'.

ويشارك فى بطولة مسلسل 'علي كلاي' أحمد العوضي، درة، يارا السكري، محمود البزاوي، انتصار، عصام السقا، محمد ثروت، طارق الدسوقي، سارة بركة، ريم سامي، ضياء عبد الخالق، رحمة محسن، عمر رزيق، وغيرهم من الفنانين.