احتفل مدير التصوير محمود شاهين، نجل شقيق الفنانة إلهام شاهين بزواج والدته أمل الصيفي.

ونشر محمود شاهين عبر خاصية القصص القصيرة في حسابه على Instagram صورا من الاحتفال بعقد قران والدته.

وكتب محمود شاهين: 'تم عقد قران أمي أمل الصيفي على السفير/ علي الحلواني، بارك الله زواجكما ورزقكما الهناء والسعادة، ندعو الله لكما بالهناء والسعادة وراحة البال. مبارك الزواج ونسأل الله أن يهنئكم ويشرح صدوركم'.

ووالدة محمود شاهين هي ابنة الفنانة الراحلة زهرة العلا والمخرج والمنتج حسن الصيفي، وشقيقة المخرجة منال الصيفي.

وكان محمود شاهين تصدر التريند في سبتمبر الماضي بسبب حفل زفافه الذي تعرض بسببه لانتقادات كثيرة.

ورد محمود شاهين على الانتقادات التي وجهت له بسب رقصه مع بعض الفتيات وشرب الخمور.

وقال محمود شاهين في لقائه مع ياسمين الخطيب ببرنامج 'شاي بالياسمين': 'البنات اللي كنت برقص معاهم في الفرح أصحابي جدا ومن أكثر الناس القريبين في الحياة وأزواجهم كانوا موجودين وأصحابي ومتربين معايا، ولما بدأت الفرح بفتح إزازة 'شامبانيا' في كذا فرح عملوها بعدي، أنا دايما بتفرج على حاجات برا مصر، بحب مثلا الرالي و'الفورميلا وان' ودايما احتفالهم بالشامبانيا، حد جبهالي وفتحناها ودا بالنسبة لينا انبساط'.

وتابع محمود شاهين: 'كان في أوبن بار للخمور في الفرح، هنكر ليه إيه اللي يخليني أنكر شيء موجود في أفراحنا كلنا موجود في أفراح أغلبية أصحابي وكل الناس، موجود في جزء كبير من الناس اللي بعيش معاهم، أنا مش هقدر أجي أقنعك بأفكار، زي ما في ناس فكروا في 'لولو' إلهام صفي الدين وقالوا إزاي بنت عمته تبوسه، أنا بالنسبة ليا دي أختي إحنا في العيلة بنصحى كلنا من النوم بنبوس بعض، في ناس بالنسبة ليهم أنت إزاي تبوس بنت عمتك؟ في ناس تقولك منعملش في الفرح خمرة، أنا كاتب في دعوة فرحي اللي عايز يجيب الازازة معاه يجيب والناس كلها كنت بتشرب، أنا مش بحكم على حد كل واحد ينبسط بطريقته'.