خرجت الممثلة إيمان أيوب في فيديو للرد على اتهامات خضوعها لعمليات تجميل بعد ظهورها في برنامج 'الستات' مع مقدمة البرامج مروة صبري.

قالت إيمان أيوب في فيديو عبر حسابها بتطبيق TikTok: 'كنت بصور برنامج مع الزميلة الفاضلة الجميلة مروة صبري، واتفاجئت بعد الحلقة طلعت تريند، تريند ليه؟ معرفش، أو يمكن هم بينتقدوا شكلي وبيقولوا عاملة فيلر وعمليات في وشك، أنا انهاردة كنت برا وكنت حاطة ميك آب، أنا همسح الميك آب أدامكم، وزي ما احنا شايفين مافيش فلتر، عشان نقطع الشك باليقين، ونشوف موضوع إن أنا عاملة عمليات تجميل، أنا عاملة فيلر في شفايفي، فأصبح إنه عمليات تجميل في وشي أنا معملتش عمليات في وشي'.

وتابعت، وهي تمسح مكياجها: 'بيتهيأ لي الفيلر اللي الناس بتحطه في شفايفيها دا الناس العادية بتحطه عادي، ومايكروبليدنج في حواجبي'.

وارتدت إيمان أيوب اكسسوارات في شعرها للمه من الأمام، وقالت: 'اللي عامل علامات تجميل بيكون في خروم في وشه في علامات، نشوف بقى في علامات؟ يمكن أكون عاملة حقن سكين بوستر، وعملت بس فيلر في شفايفي'.

يذكر أن آخر أعمال إيمان أيوب كان مسلسل 'نقل عام' الذي عرض عام 2022 من بطولة محمود حميدة وسون بدر وأحمد بدير من تأليف وليد خيري وإخراج عادل أديب.