رد الملحن والمنتج مصطفى جاد على موجة الانتقادات التي طالت النجم أحمد حلمي خلال الأيام الماضية على مواقع التواصل، بسبب موقف جمع بينهما في أحد عروض مسرحية 'بني آدم' في السعودية مؤخرا.

وقال مصطفى جاد في فيديو نشره عبر حسابه الرسمي في موقع 'إكس': 'من حق أي مصري ومصرية يغيروا على بلدهم، لأن كلنا بنعشق مصر وما ينفعش حد يزايد على مصرية حد'.

وأضاف مصطفى جاد: 'أنا وحلمي نعرف بعض من خمس سنين، وحلمي نجم كبير بحبه وبحب هزاره، والهزار كان يخصني أنا. والله ما أحب أقول الكلام ده، أنا أقدر أشتري مسرح بس الهزار كان في محله'.

أوضح مصطفى جاد سبب قيام أحمد حلمي بالنزول لجمهور المسرحية في ذلك اليوم والمزاح معهم قائلا: 'المسرحية يومها تأخرت على الناس شوية وكانوا متضايقين في القاعة، فطلع الراجل بلطافته وذكاؤه وخبرته يهدي الناس شوية وارتجل، ونزل بشخصيته في المسرحية وهي شخصية شريرة جدا، وقال إفيه لذيذ مفيش فيه أي حاجة تهين، لأن الراجل هو اللي عازمني. الراجل عازم منتج عنده القدرة يقفل المسرح بصحابه وعيلته ويحجز كل التذاكر بحب الناس وتقديرهم'.

وتابع: 'اللي مزعلني في الموضوع حاجة تخصني، وحاجة مزعلاني أكتر تخص حلمي. الراجل ده ماشوفتش في حياتي ألطف منه، وراجل محترم وبيقدر الناس وبيعاملهم كويس، وبيحب الحياة والهزار وقعدته ماتملش منها، لمجرد إنه هزر هزار مش على مزاجك بقى مش بتاعنا ومش مصري؟ يا جماعة بالراحة على بعض'.

ونشر مصطفى جاد عبر صفحته الرسمية في موقع 'إكس' صورا مع زوجته وأحمد حلمي من كواليس المسرحية قبل عدة أيام، وكتب في التعليق: 'بني آدم. ٤ ساعات ضحك متواصل و حدوتة مختلفة و أغاني حلوة .. بجد إستمتعت و قضيت وقت حلو قوي. المهم بقى حلمي يسلم كده عادي ؟؟ مستحيل يعديها طبعاً و طلعني مسرح زى ما إنتوا شايفين كده'، كما نشر فيديو مزاح حلمي معه.

يذكر أن مسرحية 'بني آدم' عرضت على مسرح بكر الشدي في بوليفارد الرياض، وهي من بطولة أحمد حلمي، مصطفى خاطر، حمدي المرغني، محمد جمعة، أحمد الرافعي، إيمان السيد، أسيل عمران، عماد رشاد، وياسمينا العبد، إنتاج أحمد بدوي، وإخراج هشان عطوة.