تحدثت الفنانة دنيا سامي عن دورها في مسلسل 'النص التاني' والمشاهد التي ظهرت فيها تتحدث باللهجة اللبنانية بطريقتها.

وقالت دنيا سامي خلال لقائها في برنامج 'نجوم رمضان أقربلك': 'مكنتش متوقعة اللي حصل مع مشاهد اللهجة اللبناني في مسلسل 'النص التاني' السنة دي الورق حلو جدا ومتخيلة أن المسلسل هيعمل صدى كويس بس مكنتش متخيلة أنه للدرجة دي وأن اللبناني هيعمل كده مع الناس كرم ربنا كان كبير أوي معايا'.

وتابعت دنيا سامي: 'المخرج أستاذ حسام علي سألته إن كان عايزني أتعلم لبناني؟ قالي أنا عايزك زي ما انتي اللي يجي على دماغك قوليه، في بروفات الترابيزة أول ما اتكلمت قالولي إحنا عايزينه كده وضحكوا قلت تمام ويارب الناس تضحك هو مطلبوش مني أركز في اللبناني، انبسطت جدا من ردود الفعل واتخضيت والحمد لله'.

ومسلسل 'النص التاني' هو الجزء الثاني من مسلسل 'النص' الذي عرض في رمضان 2025، يتكون من 15 حلقة وبدا عرضه في النصف الثاني من شهر رمضان 2026.

مسلسل 'النص التاني' بطولة أحمد أمين أسماء أبو اليزيد، بسمة، صدقي صخر، حمزة العيلي، ميشيل ميلاد، سامية الطرابلسي، وهو من تأليف عبد الرحمن جاويش وشريف عبد الفتاح، وهو من إخراج حسام علي.