أشاد المخرج محمد سامي بمسلسل 'الست موناليزا' الذي تقوم ببطولته زوجته الفنانة مي عمر، في أول أعمالها بعيدا عنه.

وكتب محمد سامي عبر حسابه على Facebook عن مسلسل 'الست موناليزا': 'دعانى المخرج الكبير وأخويا المحترم أستاذ محمد علي وصديقي المنتج طارق فهمي للمونتاج في أغلى بوست هاوس على قلبي، شركة ميركوري اللي فيها أكتر ناس مخلصة، واتفرجت معاهم على مشاهد من مسلسل 'الست موناليزا' بطولة مى عمر وعدد كبير من النجوم والنجمات'.

وتابع محمد سامي: 'ما شاء الله على الروعة اللى أنا شفتها، مسلسل جميل مكتمل فى كل شيء، كتابة من المؤلف الجامد محمد سيد بشير تصوير للعبقري عمرو فاروق وملابس الفنان سعيد رمزي وديكور المتمكن كريم المهدي وإنتاج محترم من المنتج حسن العسيري وتنفيذ المحترمين الجامدين طارق فهمي ومحمد عبد الوهاب وفريقهم اللي عامل مجهود جبار خالد أحمد كمال وأبو النصر، مونتاج رائع للأستاذ الكبير معتز الكاتب وموسيقى جميلة للموسيقار الكبير عمرو إسماعيل، ده غير إن كل الممثلين في أجمل حالة ليهم، بجد أستاذ محمد على قائد يدير بحكمة وفن واحترام واحتراف شديد ده غير السلاسة والنعومة والمشاعر اللى متوزعة بميزان ذهب'.

وأكمل محمد سامي: 'مبسوط أوى باللي اتفرجت عليه وربنا يكملك يا محمد على خير وتنجح نجاح كبير بقدر اسمك ومكانتك وأجمل حاجة إن كل الشغل ده في محطة كبيرة مهمة واقفة ورا كل تفصيلة فيه، البيت الكبير اللى بيدعم بإخلاص شديد وبيهتم بكل سطر فى المشروع قناة إم بى سى'.

مسلسل 'الست موناليزا' بطولة مي عمر، سوسن بدر، شيماء سيف، إنجي المقدم، وفاء عامر، سماء إبراهيم، أحمد مجدي، محمد محمود، مريم الجندي، وجوري بكر، والمسلسل تأليف محمد سيد بشير، إخراج محمد علي.