تحدثت المنتجة مها سليم عن أزمة صناعة الدراما التي يتحدث عنها عدد من الفنانين وصناع الدراما بسبب قلة الإنتاج وعدم توافر فرص عمل لعدد من الفنانين.

وفي منشور عبر حسابها على Facebook أوضحت مها سليم أن السبب في هذه الأزمة هم صناع الدراما أنفسهم.

وقالت: 'خلوني أقول لكم حاجة مهمة جدا، ومش هكررها تاني، كلنا السبب في اللي إحنا وصلناله، ولسه هنوصل لأسوأ لو كملنا بنفس الطريقة.

اللي كان بياخد جنيه السنة اللي فاتت، بقى طالب 3 جنيه السنة دي! الصغير والكبير بقى طالب من الإنتاج عربية تجيبه وتوديه، سواء نجم أو فرد من فريق العمل خلف الكاميرا. كل واحد عايز مساعد واتنين وراه، وكل فنان بقى وراه فريق عمل كامل. وغيره، وغيره، وغيره'.

وتابعت مها سليم: 'وحجم الإعلانات زي ما هو، ومش بس كده، ده بقى فيه جزء من الإنفاق الإعلاني بيتوجه لوسائل تانية بعيدة عن الشاشات، وعدد القنوات والمنصات زي ما هو ساعدوا نفسكم وساعدونا علشان نعرف نشتغل دي صناعة كبيرة، ومفتوح منها بيوت كتير جدا جدا'.

وأكملت: 'وعلشان الصناعة دي تفضل قائمة ومستمرة، وحضرتك عايز تحسب حقك، فبدل ما تطلب 10 جنيه، اكتفي بـ8 جنيه، علشان الشغل يستمر، بدل ما نوصل لمرحلة إننا كلنا نقعد في البيت، في ظل الظروف اللي بيمر بيها العالم كله. وده بخلاف مشاكلنا الإنتاجية والتسويقية'.

واختتمت مها سليم رسالتها: 'أرجوكم، من أول المنتج لحد أصغر عنصر في العمل، ساعدوا نفسكم وساعدونا، علشان بيوتنا كلنا تفضل مفتوحة.

وشكرا'.

يذكر أن مها سليم تعاقدت مع الفنان يوسف الشريف لرمضان 2027 ليقدم مسلسل 'الظل' مأخوذ عن قصة للسيناريست أحمد عبد الفتاح، سيناريو وحوار عمرو سمير عاطف ومن إخراج أحمد نادر جلال.

كما تعاقدت مع الفنان ياسر جلال ليقدم مسلسل 'القناع' من 15 حلقة.