كشف الشاعر رمضان محمد عن تعرض الفنان تامر حسني لإصابة وخضوعه للعلاج دون الإعلان عن الأمر.

ونشر رمضان محمد صورة لتامر حسني عبر حسابه على Facebook ليكشف للجمهور تفاصيل إصابته.

وقال رمضان محمد: 'تامر حسني ده حوار كبير بجد .. بقالنا فترة كبيرة بنتكلم وبنشتغل وعادي جدا نفس حماس وطاقة تيمو اللي بتخلي كل اللي حواليه يجتهدوا ويشتغلوا أكتر، وفجأة النهاردة بكلمه يقولي أنا في المستشفى علشان في كسر في رجلي وبعالجه من فترة، ولا حد يعرف ولا قال ولا اشتكى ولا حب يدي طاقة سلبية للناس اللي بيكلموه، بجد إنسان جميل وفنان جميل وصعب جدا يتكرر وألف سلامة عليك يا تيمو'.

على جانب آخر كان تامر حسني كشف عن تفكيره في تقديم حفل للأغاني الرومانسية الهادئة على أن يكون حفل أوركسترا.

وكتب تامر حسني عبر صفحته على Facebook: 'شوفت تعليق من بنت اسمها هالة الشناوي بتقترح إني أعمل حفلة يكون الحضور فيها جلوس زي الأوبرا وأغني أغانيا الرايقة أنا فعلا فكرت يا هالة في كده وكمان إني أوزعها كلها مع أوركسترا كبيرة لأني بجد ببقى كتير نفسي أغني من غير حركة وتنطيط ورايح جاي وهيبرة نفسي أقدملكم حفلة كاملة زي طريقتي لما غنيت نسيانك صعب أكيد، شجعتيني يا هالة والله إيه رأيكم يا شباب ولا كله عايز يتنطط وزحمة وكده'.