تحدث الفنان ماجد المصري عن قرار اعتزال المخرج محمد سامي الإخراج التليفزيوني.

وقال ماجد المصري خلال لقائه في برنامج 'الحكاية' مع عمرو أديب: 'أنا دار بيني وبين محمد سامي حديث ويعني بنتكلم في حاجة حلوة، هو طبعا خد قرار وهو واخد القرار دا من فترة على فكرة، أنا وسامي نعرف بعض من فوق الـ25 سنة وأخد قرار أنه مش عايز يشتغل تاني دراما عايز يحقق أحلامه، واعتقد أن هو جاب سقف الدراما'.

وتابع ماجد المصري: 'بس كلنا أخدنا قرارات وبنرجع فيها وممكن يكون القرار وهو مضغوط نفسيا لأن هو الفترة اللي فاتت وآخر مرة هيعمل كده أنه يعمل مسلسلين في نفس الموسم دا شيء قاسي جدا ومتعب جدا'.

وعن ظهوره في مسلسل 'سيد الناس' ضيف شرف في بعض الحلقات، قال ماجد المصري: 'بيبقى لازم المجاملات أنا بحب محمد سامي أوي وبحب شركة الصباح وبحب عمرو سعد وفي الآخر إحنا كلنا بنخدم بعض أنا ليا مسلسلي لكن شايف أنه عادي'.

وشارك ماجد المصري في موسم رمضان 2025 بمسلسل 'إش إِش'.

مسلسل 'إش إش' من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، محمد عبدالرحمن، أحمد زاهر، والعمل من تأليف وإخراج محمد سامي.

تدور أحداث مسلسل 'إش إش' حول فتاة ترث من والدتها الجمال والفقر تُدعى 'إش إش'، وتجد نفسها مضطرة أن تعمل كراقصة، وتدخل إلى عائلة الجريتلي عن طريق الصدفة، لتكتشف أن ما تمر به ما هو إلا امتداد لأسرار مدفونة داخل هذه العائلة.