تحدث الفنان محمد فراج عن فيلم 'الست' والانتقادات التي وجهت له عقب طرح التريلر الرسمي له.

وقال محمد فراج في لقاء مع ET بالعربي: 'حالة الجدل الكبيرة دي دا شيء متوقع من فيلم مهم جدا زي 'الست'، منى زكي بتعمل شخصية أم كلثوم ومروان حامد اللي بيخرج وأحمد مراد اللي بيكتب طبيعي جدا يكون في حالة ترقب شديدة'.

وعن تقديمه لشخصية الشاعر أحمد رامي والمقارنات التي يتحدث عنها الجمهور قال: 'إحنا بنعمل فيلم فيه حدوته وفيه شخصيات لحم ودم وفيها مشاعر وأحاسيس مينفعش نحصر هذه القيمة الكبيرة أوي في إني بتكلم عن مكياج أحمد رامي وهل فراج كان قريب لأحمد رامي ولا لأ أنا مش مطالب كممثل لما أعمل شخصية أحمد رامي مثلا إني أبقى مطابق لرامي خلاص هاتوا بقى واحد شبه أحمد رامي بجد خلوه هو يمثل الفيلم'.

وعن الهجوم الذي تعرض له الفيلم عقب طرح التريلر: 'أولا بلاش كلمة هجوم هي حالة جدل ودي حاجة طبيعية لأن الفيلم مهم ومميز وبيحكي عن شخصية كوكب الشرق فأكيد كل الناس هتبقى مستنيه الفيلم، أول ما الفيلم يتعرض هتبان ردود الأفعال الحقيقية اللي هنهتم بيها ونتكلم فيها'.

يتناول فيلم الست للنجمة منى زكي، وسيناريو أحمد مراد، وإخراج مروان حامد، السيرة الذاتية لكوكب الشرق (أم كلثوم)، مسلطًا الضوء عليها كإنسانة وأنثى قبل أن تكون فنانة، وأبرز المحطات في حياتها الشخصية والفنية، والعلاقات التي كان لها أثر كبير في حياتها، وتأثير أم كلثوم على الأمة والعالم بأكمله.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟