بطريقة عفوية وبمزيج من الامتنان والفكاهة، عبّر مؤدي المهرجانات كزبرة عن سعادته بعد مفاجأة أصدقائه له في عيد ميلاده، مؤكدا أنه لم يكن يتوقع الاحتفال ولا يتذكر حتى تاريخ اليوم.

كزبرة لأصدقائه: وجودكم جنبي النهاردة فرّحني جداً

نشر كزبرة عبر حسابه الرسمي على 'فيسبوك' مجموعة صور جمعته بأصدقائه خلال الاحتفال، وكتب: بجد أنا مش عارف أقولكم إيه على اليوم ده، والله أنا كنت ناسي إن عيد ميلادي النهاردة.

وأضاف: وجودكم جنبي النهاردة فرّحني جداً، وبجد أحلى مفاجأة، إخواتي، ويارب دايماً متجمعين في الفرح.

وختم كلماته بروح الدعابة المعتادة: كل واحد جاب هدية، كله متأيد في الكراسة الصفراء وهتترد في معادها.

إشادة بتامر حسني: فاهم الجيل.. والمهرجان صوت الشارع

وفي منشور آخر، كان حرص كزبرة على توجيه رسالة تقدير للفنان تامر حسني، معربا عن إعجابه بمرونته الفنية وفهمه العميق للثقافة الشعبية والموسيقى الحديثة.

وكتب كزبرة مع صورة تجمعه بتامر:'تامر حسني فنان كبير بمعنى الكلمة، لأنه بيعرف يواكب العصر، وفاهم الجيل الجديد كويس جداً، وبيفهم يعني إيه ثقافة مصرية'.

وتابع:'عارف إن المهرجان مزيكا مصرية بتفرّح الناس البسيطة، ومش بس البسيطة، دي بتفرّح كل الطبقات، وبتعبر عن الشارع المصري، وليها احترامها بره مصر'.

وختم رسالته بالتأكيد:'ولو في ناس هتختلف على الكلام ده، الزمن كفيل يثبت ده.. كلها أيام والأغنية هتنزل وهتعجب الكل'.

رسالة لأصالة: رفضتي تغني معايا؟ استني الأغنية الجاية

كان كزبرة أثار تفاعلا واسعا بعد نشره رسالة موجهة للفنانة أصالة، استعاد فيها موقفا قديما رفضت فيه التعاون معه، ليعود اليوم ويرد عليها بطريقة غير مباشرة.

وكتب عبر 'فيسبوك': فاكرة يا فنانة لما طلبت أعمل أغنية معاكي وقلتي مش موافقة؟ أحب أقولك استني أغنيتي مع الفنان تامر حسني.

وقبل أيام من طرح أغنيته الجديدة 'قلودة'، التي يتعاون فيها للمرة الأولى مع النجم تامر حسني، وجّه مغني المهرجانات كزبرة، رسالة خاصة عبر حسابه الرسمي على 'إنستغرام'، أثنى فيها على تامر ووصفه بـ'الفنان الكبير اللي بيعرف يتعامل مع الجيل الجديد وثقافته'.