تحدثت الفنانة يسرا عن تعاونها مع المخرج محمد سامي في مسلسل 'قلب شمس' أول تجاربه في التمثيل.

وقالت يسرا خلال لقائها في برنامج 'ليالي Ten' مع بوسي شلبي عن محمد سامي: 'أنا بحب شغل محمد سامي، وهو من أذكى وأكتر الناس اللي بيحبوا الشغلانة، لو قلتله مش مرتاحه في حاجة هيصلحها في ثانيتين مش هياخد مجهود مع أنه صعب جدا لكن بمجرد أنك تعرفي تتكلمي معاه بأمانة خلاص، هو إضافة لأي فنان، جماله كفنان أنه بيتحدى وبيحب المشاهد يفضل قاعد مستني هيحصل إيه'.

وتابعت يسرا لتكشف عن كواليس العمل مع محمد سامي كممثل قائله: 'كممثل بيجي يسألني هو أنا كويس؟ مرة قالي أنا اتعلمت حاجة كنت بطلبها من الممثل زمان وطلعت غلطان لما مثلت حسيت الضغط والتوتر عليكم قد إيه'.

وأكملت: 'محمد سامي لما بيشرح حاجة بيمثل كل الأدوار بكل مفاتيح الدور والشخصية، المخرج لازم يبقى كده'.

ويخوض المخرج محمد سامي خلال مسلسل 'قلب شمس' تجربة التمثيل لأول مرة.

وقال محمد سامي عن المسلسل: 'مسلسل قلب شمس، للنجمة الكبيرة يسرا والعبد لله معاها كممثل لأول مرة، ليا الشرف إن أول بطولة تكون بالمشاركة مع قامة وتاريخ كبير زي أستاذة يسرا، و إن شاء الله بوعدكم بعمل يحترم كل بيت عربي، مجهود كبير فى المشروع ده من يانجو بلاى و صديقى جو الخوند والمنتجة مها سليم، المسلسل من تأليفى وإخراجى وبطولة ممثلين كبار و كلهم مقدمين أدوار جميلة جدا وهم درة، إنجي المقدم، محمود قابيل، انتصار، سوسن بدر، بسنت شوقي، إدوارد، منة فضالي، أحمد وفيق،عمرو وهبة، نور إيهاب، أشرف زكي، ميشيل مساك،سولي، أيسل رمزي وتوانا الجوهري. مسلسل قلب شمس دراما اجتماعية رومانسية'.

مسلسل 'قلب شمس' من تأليف وإخراج محمد سامي، وتولى إخراج أول مشاهد محمد سامي التمثيلية المخرج خالد يوسف.