بعد معايدته الغريبة لها.. رامي جمال يعتذر لزوجته

قرر الفنان المصري، رامي جمال توجيه اعتذار بزوجته بعد الجدل الذي تبع رسالته لها في عيد ميلادها منذ أيام، والتي اعتبر البعض أنها تحمل إساءة لها.

وجاء في رسالة اعتذار رامي جمال لزوجته، والتي نشرها عبر حسابه الشخصي على موقع التواصل الاجتماعي إنستغرام: 'آسف لو اتضايقتي يوم عيد ميلادك مني بشكل مباشر أو غير مباشر، أصابني عدم التوفيق في استخدام كلام وهزار اعتبروه البعض استهزاء أو انتقاص من أهم شخص فى حياتي رغم إنى عارف وواثق في تفكيرك وطبيعة حياتنا اللي بمميزاتها وعيوبها قررت إنها تكون مش للعلن'.

وتابع: 'الآراء السلبية اللي شفتها واللي إنتى شفتيها لمجرد محاولتك إثبات إن كلامي عنك هو أصلا بوست ليكي قبل البوست بتاعى، جدعنة منك غير مستغربة للأسف قوبلت بأنك شفتي فعلا كلام من البعض يضايق وبما اننا عايشين مع ناس ف انا بعتذرلك عن اللي حستيه بسبب هزار عارف انك قابلاه بس من حب ربنا فيكي ومن سوء التوفيق ليا إن الناس شافته إهانة وقررت تدافع عنك'.

واختتم كلامه قائلا: 'من غير كلام كثير آسفلك وآسف للي ضايقهم الموضوع وشكرا جدا ليكي واللي فهموا قصدنا من الأول بس الدرس المستفاد إني غلطت في نشر حياتي للعلن، أوعدكم مفيش كلام غير في اللى بشتغل فيه بحبك'.