تامر هجرس يكشف كواليس عمله مع أحمد عز كـ"موديل": كان صوته حلو وبيغني طول الوقت

استعاد الفنان تامر هجرس كواليس الفترة التي زامل فيها الفنان أحمد عز في عالم عروض الأزياء، قبل دخولهما مجال التمثيل.

وقال تامر هجرس خلال لقائه مع الإعلامي عمرو الليثي ببرنامج 'واحد من الناس' المذاع عبر قناة الحياة: 'كنت في سهرة زمان وبتخانق مع بنت، ولقيت حد بيبص عليا جامد فافتكرته تبعها لكن لقيته بيقولي عاوزك تبقى موديل و هديك 500 جنيه، وأنا كنت مبهور بالمبلغ'.

وأضاف: 'أحمد عز كان معايا فى المودلنج وسبقني في التمثل، وصوته كان حلو جدا ودايما يغني في الكواليس، وبسبب المودلنج ظهرت في فيلم آيس كريم في جليم مع عمرو دياب'.

تحدث تامر هجرس خلال اللقاء عن كواليس عمله مع النجم الكبير عادل إمام في فيلم 'التجربة الدنماركية' قائلا: 'الفنان عادل إمام نجم كبير وحلم لأي فنان يكون في عمل فني درامي أو سينما مع عادل إمام'.

وتابع هجرس: 'التجربة الدنماركية نجح بشدة والناس في الشارع كانت بتسألني إنتوا فعلا كنتوا بتاكلوا الأكل ده كله، والأستاذ عادل إمام أخذني معاه في مسلسل مأمون و شركاه، وأنا بحبه جدا وكان بيقعد يدردش معايا في الكواليس، وعلى طول بسأل رامي ابنه عليه وربنا يحفظه لينا'.

يذكر أن تامر هجرس يشارك في بطولة فيلم 'شوجر دادي'، مع النجمة ليلى علوي، ونجوم الكوميديا بيومي فؤاد وحمدي الميرغني، بالإضافة إلى محمد محمود، مصطفى غريب، مي الغيطي، جوهرة، وفرح الزاهد.

فيلم 'شوجر دادي' من إخراج محمود كريم وتأليف لؤي السيد وإنتاج شركة نيوسنشري، توزيع داخلي دولار فيلم، وتوزيع خارجي شركة أورينت، وشارك في الإنتاج شركات أفلام مصر العالمية، سينرجي، ماجيك بينز، وفيلم سكوير.

حمل آبلكيشن FilFan ... و(عيش وسط النجوم)