أمينة خليل: مش هشارك في رمضان 2026 هتفرغ للسينما

كشفت الفنانة أمينة خليل عن عدم مشاركتها في موسم رمضان 2026.

وقالت أمينة خليل خلال لقاء ببرنامج 'الصورة مع لميس الحديدي': 'قررت السنة دي إني مش هكون موجودة في رمضان عشان مهتمة جدا وعايزة أركز في السينما، عندي 3 أفلام هدخلهم'.

وتابعت أمينة خليل: 'مش هتكلم عن الأفلام لأن بصراحة في مفاجئتين حلوين أوي'.

وتحدثت أمينة خليل عن دورها في مسلسل 'لام شمسية' ومدى تأثيره عليها قائلة: 'المسلسل أثر فيا جدا أول مرة أكون حاسة بكم التأثير اللي الدور عمله فيا أكتر دور كان صعب غالبا عملته في حياتي أنا فاكرة آخر يوم لما خلصنا تصوير روحت البيت بصيت في المراية وفعلا للحظة أنا مكنتش عارفة أمينة فين هي راحت قعدت حوالي شهر بحاول أرجعها تاني حاولت أفكر نفسي بكل الحاجات اللي بحبها، قضيت وقت كتير مع أهلي حسيت أن هما الأمان وأكتر ناس عارفني ووأكتر ناس بعرف ابقى مرتاحة قدامهم لو حسيت إني عايزة أعيط هعيط، كنت بفرغ كل الطاقة اللي شلتها في المسلسل اللي هي مش طاقتي أنا دي طاقة 'نيللي' الموضوع كان صعب بس شهر وكان لازم أعدي لأن كان لازم أتجوز'.

ومسلسل 'لام شمسية' من تأليف مريم نعوم وورشة سرد، وإخراج كريم الشناوى، وإنتاج شركة ميديا هب – سعدي وجوهر، وبطولة أمينة خليل، أحمد السعدنى، محمد شاهين، يسرا اللوزى، ثراء جبيل، صفاء الطوخى ياسمينا العبد والطفل علي البيلي وعدد آخر من الفنانين.

لو فاتك: شطارة مايان السيد في الإجابة على كويز في الفن