هل استحضرت أسماء جلال مشاعرها ضد والدتها في "الهرشة السابعة" من معاناة حقيقية؟

تقدم أسماء جلال في مسلسل 'الهرشة السابعة' دور فتاة تعاني من طفولتها وابتعاد والدتها عنها، ربما هذه ليست القصة الحقيقية للفنانة الشابة، ولكنها تحمل جزء من أزمتها الحقيقية.

في يونيو 2022، أجرت أسماء جلال حوارا مع أنس بوخاش في برنامجه ABTalks، وتحدثت عن حياتها الشخصية ووالدتها قائلة: 'أمي خلتني أعيش وسط مجتمع مش شبهي، بينتقدوني ويلوموني طول الوقت.. هي دلوقتي محتاجة حضن وحب وحنان بس أنا عمري ما أخدت الحاجات دي منها، بس على الجانب التاني خدت كل حاجة حلوة من بابا وهي كانت بتقوله مدلعهاش هي مفيهاش حاجة مميزة وهتخرج عن طوعنا، فحسستني لحد دلوقتي أنه كتير عليا أن حد يحبني'.

وتابعت:إني أبقى طفلة صغيرة يتقالها ما تلبسيش شورت أو ما تلبسيش كذا عشان رجلك وحشة، أثر عليا لحد فترة، ماكنتش بحب رجلي، ومش بحب البس قصير، وبتكسف من شكل جسمي وكنت بحس إنهم عندهم حق، الموضوع على أن الكلام دا من حد المفروض يقول كلام حلو، وكان بابا بيحاول يعادل الموضوع ويقول كلام حلو.

وأكدت أسماء جلال أنها لم تستطع مسامحة والدتها على هذا كله حتى الآن.

وأكدت أسماء جلال في لقاء لها في فبراير 2021 في برنامج 'صاحبة السعادة'، أن والدتها كانت ترفض احترافها التمثيل، وقالت: 'ماما ماكتشفتنيش ماما أصلًا مش مهتمه، شفتني في مسلسل (كأنه امبارح) وكل دا ماكنتش تعرف أني بمثل، لقيتها بتقولي وهي بتقطع السلطة شوفت واحدة شبهك في مسلسل (كأنه امبارح) أنا ماكنتش فاهمه هي عرفت ولا بتسألني عادي ومش عارفة أن هو أنا، قلتلها: ما هو دا أنا'.

وتابعت: ربنا ستر ماستعملتش السكينة، ماخدتش علقة لكن انهيار من ماما، وبلاش ومانعرفش دا أخرته إيه.

واستكملت: مامتي كان بالنسبة ليها التمثيل مستحيل، ولما دخلت الجامعة بدأت أدخل ورش تمثيل ودخلت كذا اختبار مواهب ولقيتهم مرة بيكلموني يقولوا لي يلا عندك تصوير الأسبوع الجاي، وكان مسلسل 'الأب الروحي'.

يضم 'الهرشة السابعة' عددًا كبيرًا من النجوم، وهم أمينة خليل، محمد شاهين، علي قاسم، عايدة رياض، عماد رشاد، أسماء جلال، محمد محمود، حنان سليمان، بجانب العديد من ضيوف الشرف.

يعرض المسلسل يوميًا في رمضان على قناة 'MBC مصر'، في تمام الساعة الـ10 مساءً ويعاد في الساعة الـ 3:00 عصرًا بتوقيت القاهرة، كما يعرض على 'MBC مصر 2' في تمام الساعة الـ 8 مساءً ويعاد الثالثة فجرًا، بالإضافة إلى منصة شاهد الإلكترونية، ويتكون المسلسل من 15 حلقة.

حمل آبلكيشن FilFan ... و(عيش وسط النجوم)