ميرهان حسين: صورتي في العمرة ليست لإرضاء الناس ... والفساتين المكشوفة غير ضرورية للفت الأنظار

نفت الفنانة ميرهان حسين اعتمادها على الظهور بفساتين مكشوفة على السجادة الحمراء في المهرجانات الفنية، بهدف لفت الأنظار.

وقالت ميرهان حسين في تصريحات لبرنامج 'موبايل جوسيبس': 'مش لازم فساتين مكشوفة، ممكن حد يلبس حاجة مقفولة ومتحفظة وتبقى حلوة وملفتة للنظر'.

وأضافت: 'الفكرة إن الحاجة تبقى حلوة ولايقة على اللي لابسها'.

وردا على سؤال هل تسعى للحصول على استحسان متابعيها بنشر صور مثل صورتها أثناء أداء العمرة، قالت ميرهان حسين: 'أنا مش بعمل حاجة علشان أرضي الناس، أنا بشاركهم حاجات من حياتي اليومية'.

وتابعت: 'ده وقت ما كنت بعمل عمرة، ونزلت صورة علشان يبقى عندي الذكرى دي والتاريخ إني كنت في الوقت ده في أطهر مكان على وجه الأرض'.

يذكر أن ميرهان حسين تنتظر عرض مسلسل 'الذنب' مع هاني سلامة وتقدم فيه دور محامية.

وتدور أحداث مسلسل 'الذنب' في إطار تشويقي ومن المقرر عرضه خلال الفترة المقبلة على إحدى المنصات الرقمية.

ومسلسل 'الذنب' بطولة هاني سلامة، درة، ميرهان حسين، ماجد المصري، بسنت شوقي، ريم سامي، طارق النهري، قصة شاهيناز الفقي، وسيناريو وحوار وإخراج رضا عبد الرازق.