بالفيديو - الغرور وحب البنات والخوف الذي يلازمه... تصريحات مثيرة لأحمد عز

أحمد عز

خلال لقائه ببرنامج 'بودكاستBig Time ' الذي يقدمه الإعلامي عمرو أديب على قناة 'mbc1' كشف الفنان أحمد عز الكثير من أسرار حياته الخاصة، وأدلى بالعديد من الاعترافات كان أبرزها:

• المرض أكتر حاجة بتقلقني وطبعًا بخاف من المرض، وأنا عندي فوبيا المرض.

• فوبيا المرض اللي عندي مش من لا شيء، لإن أمي الله يرحمها ماتت وقبل ما تموت كنت عارف هي عندها إيه وما قلتش لأبويا ولا إخواتي وهي كان طلبها كده، أنا كنت قريب منها جدًّا وكانت بتدور البيت عادي، وكانت بتاخد العلاج الكيماوي وبعدين ترجع البيت تطبخ وتأكل وأنا الوحيد اللي عارف، أمي كانت جبارة.

• أنا زمان كنت بتشال وأتحط لما يقولوا مغرور، بس لما شوية فهمت ورسيت عرفت إن النجاح وحب الناس ونجاح الأفلام وإن ربنا يسهلك في ده أنت ملكش فيه حتى لو كنت أعظم ممثل ولكن القصة في إرادة ربنا علشان كده مفيش عندي غرور ومبقتش مغرور.

• المكانة والنجاح وأن الناس تشوفك مغرور أو تحبك مش بتاعتك دي بتاعت ربنا، وبعدين الناس فيها اللي مكفيها مش كل شوية أنزلهم في صور عن حياتي على السوشيال ميديا أنا مش بحب الطريقة دي إزاي واحد رايح شغله وطالع عينه ويشوفني وأنا نايم على حمام السباحة هيقول لي ده أنت معندكش دم'.

• حب البنات ليَّ ما أعرفش سببه بس ده من كرم ربنا وحب الناس لا يقدر بالملايين، بس نقطة حب البنات أقسم بالله عمرها ما شغلت تفكيري ولكنها نعمة ربنا يديمها، وأنا أبسط بكتير أوي وأخيب بكتير أوي مما حد يتخيل مش الواد الحلانجي أخيب مما أتخيل وما بعرفش أذوق الكلام يعني أنا مش الواد بتاع البنات وده من صغري.