فيفي عبده تستغيث! -فيديو

كشفت الفنانة، فيفي عبده عن تعرضها لوعكة صحية شديدة خلال الفترة الماضية، مؤكدة أن السبب في ذلك هو أنها تتعرض للحسد في كثير من الأوقات.

وكشفت فيفي عبده في لقائها مع برنامج 'et بالعربي' تفاصيل مرضها قائلة: 'لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجود ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا'.

وتحدثت فيفي عبده عن تفاصيل الوعكة التي تعرضت لها وقالت: 'الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة تاج ولو مال الدنيا معاك ومفيش صحة يبقى أنت مش معاك حاجة'.

كما روت فيفي بعض التفاصيل الخاصة بمرحلة العلاج وقالت 'دوروا على عروق في إيدي مالقوش ولما عملوا ليا فحص لقوا القلب فيه رفة، وطلبوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري'.