عمرو رمزي يستعيد ذكريات "حيلهم بينهم": شعبان عبد الرحيم فتح عليا مطوه ووقفت حلقة هذا الفنان خوفا عليه

استعاد الفنان عمرو رمزي كواليس برنامج المقالب 'حيلهم بينهم' الذي قدمه قبل سنوات واستضاف فيه مجموعة كبيرة من النجوم

وحكى عمرو رمزي عن كواليس حلقة الفنان شعبان عبد الرحيم وما حدث فيها وقال خلال لقائه مع الإعلامي خيري رمضان في برنامجه 'مع خيري': 'شعبان عبد الرحيم طلعلي من الشراب مطوة 'قرن غزال'، الراجل جاي لينا ضيف فمش هنفتشه، كنت بغتت وفضلت أقوله 'بتغني إيه الكلمات دي، أنت تغني لذاتك وأنت متقوقع' فجأة لقيته وطى وأنا مش شايف وسمعت صوت فتحة المطوة وقالتي إنت مضايقني، قلت له أنا؟وكنت وقتها بجد مش بهزر وأنا بتكلم معاه، وفضلت أقوله أنت تعمل أي حاجة تمثل أو تغني وراح قافل المطوة وأداها للمساعد بتاعه'.

وعن الفنانين الذين شعر بالضعف أمامهم وكاد يكشف نفسه قال عمرو رمزي: 'الفنان اللي ضعفت قدامه بس قدرت أتماسك كان أستاذ سمير غانم، كان بيضحك طول الوقت وبيضحك الناس عليا، واحد بيشتغل مسرح بقاله 50 سنة مفيش حاجة هتأثر فيه'.

وأكمل عمرو رمزي: 'حلقة المرحوم أحمد عدوية هو كان تعبان صحيا وأنا عارف أنه تعبان بس مش عارف مدى الاستجابة في الهزار، جيت في آخر سؤال قلت لهم ستوب وقلت له دا هزار لأني كنت خايف عليه'.

يشار إلى أن آخر أعمال عمرو رمزي ظهوره ضيف شرف في الجزء الثامن من مسلسل 'الكبير أوي' في رمضان 2024 مع أحمد مكي ومحمد سلام وبيومي فؤاد وهشام إسماعيل ورحمة أحمد من إخراج أحمد الجندي.