ماجدة الرومي برسالة مؤثرة عن الإمارات ولبنان

ماجدة الرومي

وجهت الفنانة اللبنانية القديرة ماجدة الرومي رسالة مؤثرة إلى اللبنانين خلال حفلها على مدرج مدينة دبي للإعلام، حيث قالت: 'بيسعدني وبشرفني وبيسعد مجموعة الموسيقيين اللبنانيين اللي معي اليوم انه نرحب باللإماراتيين والعرب الغاليين الموجودين بيناتنا اليوم وبشكل خاص برحب باللبنانيي الموجودين هون'، وتابعت 'والله اشتقنالكن واشتاقتلكن بيروت، كنت بحب أحملكن أخبار طيبة أو عايدكن بعيد الاستقلال بس انتوا وأنا منعرف إنوا لبنان قراره محتل من العام 1975، 46 سنة ونحن من محتل للتاني لخاين للتالت، ما بتخلص قصصنا'.

واضافت: 'نحن عم نتعرض لأعنف عملية تجويع وتخويف وتهجير وقتل مجاني، معنوي ومادي وجسدي تعرضله الشعب 46 سنة وبعدنا صامدين'.

وتساءلت: 'أنتوا متغربين؟ لا أنتوا بعدكم ضمن الوطن العربي الأكبر اللي نحن مننتمي إله وحاملين هويته، نحن ضمن الخليج العربي، يلي بتعنينا سيادته وحريته واستقلاله قد نور عينينا.. نحن بالإمارات وشو الامارات وشو نحن، صار فيها إلنا أهل وناس أكتر من ما في بلبنان، شو أحلى أنوا تكونوا بدبي تحوطوا ايديكم بإيدين الناس اللي عم تعلي وتعمر، تحوطوا ايديكم مع ناس كبار بتشجر الصحراء'.

وأتابعت: 'شو أشرف من انكم تساندوا شهداء الداخل اللبناني، أهلكم وناسكم، أنتوا السبب لنحن نزمط جوا.. أنتوا عساكر بالجيش اللبناني، عم تدافعوا بالثقافة والفنون الجميلة.. عن لبنان اللي ما منتنازل عن سيادته'.

وختمت بقولها: 'بضم صوتي لصوتكم لنتمنى للامارات بعيدها الوطني دوام التقدم والازدهار.. الأمن والأمان والاستقرار'.