فيديو – هدى الإتربي: قنبلة الجيل لقب من الناس ... وأنا ما طلعتش تريند علشان شكلي وجسمي

قالت الفنانة هدى الإتربي إنها لا تراهن على التريند، لكنها تنتظر الفرصة الحقيقية التي تبرز موهبتها كممثلة.

وأضافت خلال حوارها من الإعلامية بسمة وهبة في برنامج 'العرافة' المذاع عبر قناة النهار: 'في ناس كتير شكل وحلاوة وجسم ومش تريند، التريند له علاقة بإن الناس مستنية حاجة وإنت بتديها لهم، وده مش بيصنع نجوم'.

وردا على سؤال لماذا أطلق عليها الجمهور لقب قنبلة الجيل، قالت هدى الإتربي: 'أنا لسه مااتحطتش في الإطار اللي أستحقه، وما أخدتش الفرصة اللي تديني حقي كممثلة صاعدة أو مشروع نجمة'.

وتابعت: 'ليه دلوقتي الشكل والجسم ضد نجومية الست؟ مع إن زمان كان الشكل والجسم أساس علشان الست تكون نجمة، ليه الحلاوة دلوقتي اتهام؟'

وأكملت: 'إحنا دلوقتي كجيل مظلومين ومفيش عندنا فرصة حقيقية تخلي واحدة تبقى السيندريلا أو سيدة الشاشة العربية. الفن مش قائم على خلق حاجة تعيش، وبقى قائم على خلق ظاهرة وفرقعة وخلاص'.

يذكر أن هدى الإتربي يعرض لها في رمضان مسلسل 'العتاولة 2'.

ويعود مسلسل 'العتاولة' لجمهوره في موسم رمضان 2025 بالجزء الثاني من العمل، الذي يشارك في بطولته كل من أحمد السقا، وطارق لطفي، وباسم سمرة، ونسرين أمين، ومصطفى أبو سريع، وهدى الإتربي، وزينة، وفيفي عبده، ثراء جبيل، مريم الجندي، تأليف مصطفي جمال هاشم، وإخراج أحمد خالد موسى، ويعرض عبر قناة MBC مصر ومنصة شاهد.

ويعرض مسلسل 'العتاولة 2' على قناة Mbc مصر في الساعة 7:00 مساء، ويعاد عرض الحلقات في تمام الساعة 2:00 مساء في اليوم التالي، كما يعرض أيضا على منصة شاهد.