بسمة بوسيل تمازح الجمهور قبل طرح أغنيتها الجديدة (فيديو)

نشرت الفنانة بسمة بوسيل من خلال حسابها الخاص في 'إنستغرام' مقطعاً مصوّراً صغيراً شوّقت به جمهورها لأحدث أغنياتها 'لأ ثواني' والمقرر طرحها منتصف كانون الثاني (يناير) الجاري.

ومازحت بسمة جمهورها في تعليقها على الفيديو قائلةً: 'صباح الجمال صحيت مبسوطة الحمد لله فحبّيت أنكّد عليكوا بأغنيتي الجديدة اللي هتنزل يوم 15 يناير... أغنية كلاسيكية راقية جداً تحسّوا كده إنها بتعبّر عن صرخة أنثى'. ومضيفةً: 'الأغنية اسمها 'لأ ثواني' هتبقى إن شاء الله رائعة من روائع الزمن السيئ اللي إحنا فيه ده انتظروني'.

وكانت بسمة بوسيل قد تحدثت عن كواليس عودتها الى الغناء بعد انفصالها عن الفنان تامر حسني، قائلةً: 'مكنش ينفع أغنّي وأنا متجوّزة، ورجعت أغنّي بعد الطلاق، وأنا ولادي وعائلتي عندي بالدنيا، وكل حاجة عدّت كانت مستاهلة اللي عملته، ومفيش حاجة اسمها استراحة محارب، هو أنا كنت بحرّر أرض محتلة؟، أنا رجعت علشان حبّي للغناء'.

وأضافت: 'وأنا صغيرة كنت عارفة إن العائلة أهم حاجة بالنسبة لي، ولما كبرت وعملت كل حاجة علشان أفضل في العلاقة ومنفعش مشيت مع الحياة، ومقعدتش أعيّط وأقول مش هعرف أعمل حاجة، دوّرت أنا عايزة إيه ورجعت للغناء، أنا عملت في حياتي تضحيات كتير علشان عائلتي، ولكن زي ما ربنا بيأذن بالجواز بيأذن بالطلاق، وكل حاجة مكتوبة في كتاب مينفعش نهرب منها'.